كدرت لبالي عليك كلهه طوال
صفنتي ومستحاي وكلمتي الوحده
وين تريد احطك ولو ذنبك ريش
ذنبك مو صعب بس انه مو كده
بركبتي. بعيني الوفي ماشيله ذمه شوف
لان باجر دمع ميشيلني بخده
ولدكلي السهر رمد عيوني عليك
كثر مابيهه وادم عينك مرمده
شما باوع لوجهك بيه معاني وداع
ولو هوه قطار شترجه من عنده
مبين ماتحب وجه ليحب متعوب
من الوان لبوجهك واضحه الخده
عافيتك مورده بجال هذا وذاك
وعافيتي الخيانه بجالك مورده
جمالك والغرور وعمرك الشبرين
ينهبن اذا ما كلبك تسده
سجن تلكاه كلب لو راخي كلب الباب
ترخص هيبته بلروحه والرده
لمخفف زليخه ثكل يوزرسيف
لو بيه خفه يوسف ثوبه من قده
ونته بخفتك بصمات شك كلوب
طبع شيطان كلبك للذنب حده
شكد تصرف كلوب لخاطر العباس
ماشايف عشك ياهو ليجي توده
ليطب بدرب نيتك شمس كون يشيل
ضلمه وكلب وحش بنيتك مكعده
وانه بنيتي تحط النوراس سود
مو قصه مدح بس الفرق نده
لزمتك بيدي ماي وانه عوزي حزام
كلي بروح ابوك الماي شيشده
وصح حبيت اعاشر بس اعاشر بير
غير اسراري فارغ كلشي ماعده
مو ذنبي جفي يصافح ذنب ما مستور
غير هواي مثلك للذنب جده
رد مع اقتباس
المشاركة الأصلية كتبت بواسطة همسه رماديه
