أنه ام البنين وهالأسم معروف
أنه ام البنين وهالأسم معروف
ومن عدكم احسن صارت الشهره
اوصيكم اريدن من گبل لاموت
بسيدكم واخوكم رابع العتره
اعز من روحي احسه وهوه ماي العين
الحسين ابن البتول الطاهره الزهره
أريدنكم درع كلكم اله تصيرون
وتحرسون انتو وجها من العده وضهره
وكف عباس گلها اتدللي وعونچ
ييمه انتي اعله عينچ لاتوصينه
نعرف حسين روحچ اي وحگ حسين
واعز من عدنه انه اعرف تعزينه
خدم كل احنه عنده ونفتخر خدام
ولون خدام اله حسينچ يخلينه
صاحت ياابوفاضل أمنت هاليوم
لئن عندك أمانه يضل ابو سكينه
وبعد عندي وصيه وبالضمير اتدور
مثل روح الحسين وبالعقل تُحسب
اوصيكم بختكم زينت النسوان
العقيله ام الخدر بنت الوصي زينب
ذمه يضل شرفها وهالشرف مصيون
أمانه موصه بيها وهايه من الرب
أمانه برگبتك خليها ياعباس
لون من دم وريدك يبني تتخضب
شتوصينه بشرفنه يمه لتوصين
اعز من النفس لا واكثر انشوفه
الشرف قطره بجبين العنده غيره تكون
يضل يخامي عنها الگطعت اچفوفه
وستر زينب ستر رب العلي نحس بيه
الستر من بين اسمها انصاغت احروفه
الشرف معناته زينب احنه من نقراه
فقط عند الغيور الكلمه موصوفه
ثلث تنعام منكم ياولد كرار
اهل غيره اوفه وماحاجه اوصيكم
صناديد الحرب لمن تشب النار
مايرجف گلبكم وانه أدريكم
السبط دين الله يعني ويشهد التكوين
وعليّ يشهد ييمه بهذا باريكم
اذا ضحيتو لجله وقدميتو انحور
يم ام الحسن انه افتخر بيكم
ضياء الكناني
رد مع اقتباس
