على نار انتظارك حارك الروح
على نار انتظارك حارك الروحوعله درب اليجيبك زارع العين
عيوني ابيوت ظلت خاليه الشوف
وجفوني بغيبتك صارن حياطين
بقت حسره اعله خدي البسمه تنشاف
وكفر بيه الفرح كفر الشياطين
أول ليله وحشه اعله اليموتون
بس متصير أشد من وحشتي اعليك
كل عصرة كبر كل لويه بالموت
اشوف اضعافهه من يمر طاريك
تعال اتمر جرح شتمر سهر ليل؟
شمت موت اشمك بس الاكيك
اواعد روحي بيك او وحشة الروح
مثل وحشة يتيمه بجية العيد
أواعد باليتيمه وانه مسكين
أريد اتهيد روحي وانه ماهيد
من تسألني عنك جارتي أشلون
أنه المليت من كثر المواعيد
عيوني اتريد اشوفك يابس الشوف
أحس اعيوني ثكله وفاكد اوليد
السواد البلجفن لتظن كحل هاذ
انرسم فوك الجفن حزن الليالي
من انسأل عنك صدك احتار
أمثل دور واحد لا أبالي
اكلهم مو مهم باجر يجي.. اليوم
ونته الماتفارك لحظه بالي
حوالي شكد تكلف جيتك هاي
أدفع لو يصير الثمن غالي
اذا كل عمري تطلب صدك انطيك
انطيك العمر وانطي الحوالي
تعال.. أتوسلك
تعال استاهلك
.. استاهل الكاك
ليش اتاخرن موزين حالي؟؟
رد مع اقتباس
