الرحم هو عضو حيوي في جسم المرأة ، وبيشكل اساس الجهاز التناسلي للانثى ، وبالتالي هو بيلعب دور محوري جدا في حياتها ، وعشان تحافظي على الرحم صحي ، النهاردة هنقولك افضل 10 اطعمة لتحسين صحة الرحم وتقويته ، اللي هتحتاجي انك تدخليها في نظامك الغذائي.
اطعمة لتحسين صحة الرحم:
1- الالياف:
اتباع نظام غذائي غني بالالياف ممكن انه يساعد في التخلص من السموم من الجسم ، النظام الغذائي الغني بالالياف ممكن انه يساعد في التخلص من مستوى هرمون الاستروجين المفرط اللي ممكن يتخزن في الجسم ، وده بيمنع تكون الاورام الليفية الرحمية ، حاولي تدخلي في نظامك الغذائي الفاصوليا, البقوليات, الخضروات, الفواكة, الحبوب الكاملة كمصدر للالياف ، وحاولي انك تاكلي الاطعمة الاورجانيك او العضوية لانها خالية من المواد الكيميائية والمبيدات الحشرية ، لان المواد دي ممكن انها تضر فرص الحمل ، ولما تمشي على نظام غذائي غني بالالياف ، مهم انك تشربي حوالي 8 – 10 كوبايات مية يوميا ، لانها هتسهل حركة الالياف في الجهاز الهضمي.
اطعمة لتحسين صحة الرحم
2- الخضروات:
الخضروات تعتبر مصدر كبير للكالسيوم, البوتاسيوم, المغنيسيوم, والفيتامينات ، والنظام الغذائي الغني بالخضروات بيحمي الجسم من الاورام الليفية السيئة ، والخضروات كمان ممكن انها تبطء من تطور الورم الليفي ، زي البروكلي والكرنب ، الخضروات غنية بفيتويستروجنز ، والهرمون ده بينافس هرمون الاستروجين في الجسم ، وبالتالي هو بيساعد على خفض مستويات هرمون الاستروجين ، وبالتالي بيوقف نمو الورم في الرحم.
3- الفواكة:
الفواكة الغنية بفيتامين C والبيوفلافونويد ممكن انها تساعد في منع نمو الاورام الليفية في الرحم ، وكمان بتساعد على تنظيم مستويات هرمون الاستروجين في الجسم ، عشان كده لازم تتأكدي انك بتاكلي كمية كافية من الفواكة ، لانها كمان بتمنع سرطان المبيض وبتساعد في الحفاظ على صحة الجهاز التناسلي ، حاولي انك تاكلي الفاكهة بين الوجبات كوجبة خفيفة ملا تحسي بالجوع ، ده هيمنعك من اكل الوجبات السريعة وكمان هيوفرلك العناصر الغذائية اللي محتاجها الرحم عشان يفضل في صحة كويسة.
4- منتجات الالبان:
الاستهلاك اليومي لمنتجات الالبان زي الزبادي, الجبن, اللبن, الزبدة ضروري لصحة الرحم ، منتجات الالبان غنية بالكالسيوم وبفيتامين D ، الكالسيوم بيحافظ على صحة العضم ، وفيتامين بيلعب دور حيوي في منع الاورام الليفية الرحمية ، بالاضافة انك محتاجة لفيتامين D عشان يساعد على امتصاص الكالسيوم.
5- الشاي الاخضر:
الشاي الاخضر مليان بمضادات الاكسدة وهي مش بتحافظ بس على صحة الرحم ، ولكن ممكن كمان انها تعالج الاورام الليفية في الرحم ، والمتخصصين بينصحوا المرأة اللي بتعاني من اورام ليفية في الرحم انها تشرب شاي اخضر بانتظام لمدة 8 اسابيع تقريبا ، ده هيساعد في التقليل من عدد الاورام الليفية.
6- اسماك الماء البارد:
الاسماك اللي بتنمو في المية الباردة ، زي الماكريل والسلمون ، غنية باحماض اوميجا 3 الدهنية الاساسية ، ودي بتساعد على تقليل انتاج البروستاجلاندين في جسم الانثى ، وده مركب بيشبه الهرمون ممكن انه يسبب تقلص حاد في الرحم ، بسبب شدة الانقباض ، وممكن انه يأدي في بعض الاحيان لسوء وضع الرحم.
7- الليمون:
كلنا عارفين ان الليمون غني بفيتامين C اللي بيساعد على تعزيز جهاز المناعة في الجسم ، وبيساعد كمان في تحسين مناعة الرحم ، وده هيخلي الرحم مهيء اكتر لمنع البكتيريا وبالتالي منع العدوى ، اشربي كل يوم الصبح كوباية مية دافية مع عصير الليمون ده هيساعد على تحسين صحة الرحم.
8- الخضروات الورقية الخضرا:
الخضروات زي الكرنب, السبانخ, الكالي وغيرها من الخضروات الخضرا بتساعد في الحفاظ على التوازن القلوي في الرحم ، بالاضافة انها بتوفر المعادن المهمة لتحسين اداء الجهاز العصبي ، تقدري تدخلي الخضروات الخضرا في نظامك الغذائي بشكل يومي ، هتحصلي على كل العناصر الغذائية ، بما فيهم حمض الفوليك ، لضمان استعداد الرحم لانجاب طفل سليم.
9- المكسرات والبذور:
جسمك محتاج البذور والمكسرات لانتاج الهرمون بشكل صح ، كلي البذور والمكسرات زي اللوز, بذور الكتان, الكاجو ، لانها غنية جدا باحماض اوميجا 3 الدهنية والكوليسترول الجيد ، احماض اوميجا 3 الدهنية بتساعد في القضاء على الاورام الليفية وكمان الوقاية من سرطان الرحم ، والكوليسترول الجيد بيساعد في الحفاظ على مستوى الكوليسترول في الدم ، كمان بيمنع الولادة المبكرة او ولادة الطفل قبل ميعادة ، او طفل منخفض الوزن.
10- زيت الخروع:
ممكن يكون كتير مننا فاكر زيت الخروع لما كانوا الامهات زمان واحنا صغيرين بيجبرونا اننا نشربه لعلاج الامساك وتنضيف الجهاز الهضمي ، تناول زيت الخروع ممكن انه يعالج تكيسات المبيض والاورام الليفية الرحمية ، بالاضافة لده ، ان وجود حمض الريكونوليك في زيت الخروع بيساعد على تقوية جهاز المناعة في الجسم ، ونتيجة لده بيخلي الرحم اكتر مقاومة للعدوى.
رد مع اقتباس