عله عيون السبايه امبين الخوف ، شعر حسيني
السلام عليك
ياسيدي ومولاي( ياابا الفضل العباس )
عله عيون السبايه امبين الخوف
حرم و اطفال تنجر بل سناسل
من جان الگمر عايش فلا صوت
يطلع من حلگ جيش المقابل
الخوف البيهم من عيون عباس
من قائد الجيش وانته نازل
حطوا نار كل ضنهم يوكفوه
وما يدرون نار بروحه شاعل
كالوله ابن اختنه وگلبه شب نار
الحلوه البي صريح و ما يجامل
لو ما زينب امحلفته عل موت
جااا حتى القدر عدا مقاتل
ترى الستين محمل عل گمر هاي
عمر شايل احسين اعله المحامل
بشر بين المنايا و صاگر الموت
من يدخل حرب ينسه التساهل
سعر الماي جان برگبة الجيش
واجه يعرف السعر ماطب يعامل
كبل لا سيفه يلعب فوك الرگاب
لگه بگلب الجنود الموت شامل
المهم وفه ونعم من عنده عباس
و طيحت جفه ما تنعد تخاذل
حبيب حامد الركابي
رد مع اقتباس
