قريتك وعرفت بيك العلم حار
قريتك وعرفت بيك العلم حار
يدافي وبيهت كل الجوانين
ع الاحوط نذكرك بالشهر عام
كريم وتنطي عقلك للمجانين
مشينالك لحد مادارت الكاع
ع خانك يادهر نمشي الدرابين
اصغر طفل ماماخذله عنوان
بس انته نندله بلا عناويين
نشف ماي الكمر جي متت عطشان
منك تاخذ النشوه البساتين
بجينالك لحد مانكعت الكاع
بيض عيونه جنهن دمع تين
رمز حريه كعبه اطوفك الناس
لكيت اسمك ع متون المساجين
شكد بيك الحياة ادور الوان
بس انته لخذت لون الشرايين
اخظر لحد ماشالنك السود
معاني اسمك ذهل فكر السلاطين
لبسنالك الاسود عن وعي عيون
بمحرم مانهز حتى الفناجين
لطمنالك شكو بصدورنه يفور
وحقك عرضت جفوف المعزين
من سحكت ضواك الخيل ضليت
تطب انه ضوه من الروازين
احترامن للحسن صيت الكصب عاش
الشيعه مدنكه اطب للدواويين
حنين المظلع من عيونك تغار
محنتك غركت رووس الموالين
نبي الطيبه بوكت مايسلم الطير
لذلك تزحف الكبرك ملايين
فرشنه عيونه سماط لهله الضيف
وعلى روس الزلم بيض المواعين
الشاعر مسلم المطوري
رد مع اقتباس
