درر العراق

ارجع يازمان · 20/August/2020

كل هالجيوش اللي شفتها ابعينك
ماخوفوك ودافعت عن دينك
رايتك فوك الرايات
الذله منك هيهات
سبعين الف ما كدروا السبعينك
سبعين الف ما كدروا السبعينك

:::::

تاريخك الينشر علينه اعلومه
دم وانتصر عاالسيف وسط الحومه
عابس اعذره ابيوم ذب اهدومه
مجنون بيك وما يصير انلومه
هسه المجانين اهواي
بلدمعه جمعولك ماي
باعوا نفسهم بالنفس شارينك
سبعين الف ماكدروا السبعينك

:::::

السيف مو قصده يكص انفاسك
دنك عليك وبالنحر من باسك
محد امضحي ابدنيته ابمقياسك
الخاطر الدين امضحي ابعباسك
يحسين ندري العباس
عندك ابعز الأنفاس
احزام ضهرك طاح والله ايعينك
سبعين الف ماكدروا السبعينك

:::::

كل شي تملكه ابدنيتك ضحيته
عطشان الاسلام ورحت رويته
ابن الحسن هذا اشكثر حبيته
عريس وبايدك رحت زفيته
زفيته بيدك يحسين
بدمومه حنه الجفين
طفوا اشموعه الجانن امضوينك
سبعين الف ما كدروا السبعينك

:::::
جدك محمد وانته ناصر دينه
أجم عزيز امضحي يابو اسكينه
الأكبر تشوفه اكبالك امكطعينه!
والعطش ويه الشمر جر سجينه!
دم الرضيع ودمك
رايح تراوي الامك
وبدم رضيعك جانوا امأذينك!
سبعين الف ماكدروا السبعينك
حسين االساعدي