مصاب إحسين أبد بالكون ياجــــد
مشه إبدرب الشهاده وعرف ياجد
صاح بصوت فتني العطش ياجـــد
يراعي الحوض يالتسكي البريـــّه
***
نصبنه بكل كلب للحــــزن منبــــر
لبــو السجـــاد موخســـران منبــر
اليــريد الشفــاعــــه وذنب منبـــر
الشفاعه إحسين إبن سيد البريــّه
***
مثــــل لحسين أبد ألكـــه ولاجــــد
وسبحان الخلك شخصــه ولاجـــد
أمه الزهره أبو حيدر و لاجــــــــد
محمد سيــــــّد الكــــــل البــريــــّه
***
إعيوني إمن البجي ياناس كـفـّـــن
على اللي جاد دون حسين كفيـّـــن
إلك كفيــّــن يالعبـــــــاس كفـّـــــن
كفو مـنـّك يبـــن حامي الحميـــــّه
***
شبــل خلــّف علي الكرار عبــــــــاس
وضحك وجهـك يَكون وجان عبــّـاس
يا جف المراجــل زيد عــــب بــــاس
إنولد راعي الوفـــه وراعي الحميـــّه
***
الـــدهر شتـــت شـــملنه بالضعينه
ودلـــيــلي سيـــوف اميه بالضعينه
وســافه الــشــمر يحدي بالضعينه
وابـــو فــاضـل عــلى الغبره رميه
***
يـــبو الـــسـجاد گلي شصار وجره
أهــيّــس نــار حـــدر الضـلع وجره
يگـــلــها الطفـــل دمـه سال وجره
رضـــيــع وفــطــمته سـهام المنيه
***
ضمـــيري ابكعـــبة المحنه يطفلي
ومهجتي من تشـــب دمعي يطفلي
آنـــه امـــك واهـــز مهــدك يطفلي
نســـيـت امصـــوب ابـسهم المنيه
***
وحك مسلم وحك هاني وطــوعـه
وفي لحسين أظل بآمره وطــوعه
كلبــي إشما أعذلـنـّـــه وطــوعــه
يكـلـّـي الطوع طوع إبن الزجيــّه
رد مع اقتباس
المشاركة الأصلية كتبت بواسطة انثى مخمليةة
