الما يعرف العيب..
فشله اتگله عيب ..
الكلمه مربوطه ابحلگ خيالهه..
الوجهه يعرگ
وكت المعاتب اصيل ..
هذه يملك طيبه محد شالهه
ـــــــــــ()ــــــــــ
لا تكبر عليه وتعله يهواي
واسمع هالكلام اعتبره تحذير
الوكت ناعور وانته بطبعك الماي
الماي شما عله تنزله النواعير
وانته تكبرت ياعمري وياي
وانه المايوم بادر مني تقصير
الك سطرت عمري الراح والجاي
وعليه تسطر بلواك تسطير
اذا انت اكبرت بعيون دنياي
تبقى شما كبرت بعيني صغير
واذا طبعك عسل متعجب ابهاي؟
انه اطباعي نحل وبدوني متصير
ــــــــــــ()ـــــــــــ
ميهمني العنب بالعافيه اعله الناس
ليش اتعب واكمز وانه ماالوحه
اتحاشاه واهمله وما افكر بي
ولا اخلي الكرامه اسلال مطروحه
اذله بعزتي ومااحب اكَلّ للناس
احتقره ويجيني لبيتنه بروحه
الفقير المالبس بالذله ثوب العيد
يكشخ بالحزن وتخبل جروحه
رد مع اقتباس
المشاركة الأصلية كتبت بواسطة Scrap
