أذا زعلان مني اسمحلي أحجي وياك
خل أسمع كلامك وافهم اعتابك
اذا كلشي انتهى وبابك يظل مسدود
حتى أمشي وبعد ما أوكف ابابك
مو بس أنته تزعل آني هم زعلان
انتظرتك حيل بس الشوك ماجابك
موهينه علي تبعد واظل مجروح
ولا هينه أزعلك وأحرك اعصابك
بس الصار غلطه واني مو معصوم
حبيبي بوجهي اكلك لاتسد بابك
وأذا ناويها تبعد وتنسى كل الجان
ماجبرك ترد وأنته لك أسبابك
ـــــــــــــــ()ـــــــــ ـــــ
مو ذاك الاعرفك انت من سنين
اطباعك علية هواي مختلفة
متغيرة الملامح بيك والاشواك
وجياتك احس مابيها اي لهفة
جنت تجرح كبل يومين عندي يطيب
هسة الجرح منك ابد مايشفة
وجنت توكف كبل والعين تحجي العين
هسة شبيها عينك شو صفت صلفة
كبل حجيك ذهب والناس تمدح بيك
ومن تحجي عسل تتناثر الشفة
هسة اختلف حجيك كلة ذم واعتاب
وبكلمن يودك كمت تتشفة
على جتافي حملتك سرت بيك دروب
وبنار العشك جمدوب اتحفة
مو تدري انة احبك وانت بية الروح
اسهرلك ليالي وعيني ماتغفة
شمسح من ذنوبك وانت شو كل يوم
تجرح بالكلب وادكلي ما اشفة
طك صبري وخلص والدمع شح العين
وهم البلكلب ماضن بعد يخفة
من عندك نهوني صحبتي واخوان
كالولي صحبتك بالهوى سعفة
وكالولي اتركة ماية خابط طين
لتضن بمحبتك يركد ويصفة
كدامك بحر مكشوف بس من فوك
لو تنذر عمر ماتكدر اتعرفة
ـــــــــــــ()ـــــــــــ ــ
كافي ياروحي عتب ويه الجفوج
الراحو بلا سبب الله وياهم
ولا يروحي ابد مومنج الصوج
كلبي الماكدر ينساهم
رد مع اقتباس
المشاركة الأصلية كتبت بواسطة قزومة
