عذرا ياشعر خنت العهد وياك
عذرا ياشعر خنت العهد وياك
عاهدتك السكته والحجي توازه
وفجت فوج البديه امعرت الجيثوم
بس يهوم صدره ويردف بچازه
افزعت والحشموني بهمتي يعرفون
مابين البرانو جيلة اجعازه
ﻻفكدي نكيصه وﻻحضوري زود
انه لطول الحرير حزام من بازه
اجيت ارثي هلي ولن بالصراحه عتاب
وفاهي الشعر من يختل وره الغازه
الشعر ساعة مدحهم ينتبه مرعوب
مثل الطير من يطرك عليه بازه
الشعر محسن ومولى تجاسموه اجيال
جسمة ذهب مابيه غاب لوتازه
إرحلوا باﻷوليه وخلو النه رمام
مثل سهم المعزب باخر اليازه
قصدي امثالي انه البلحجي يهبشون
بصور الشعر وبروعه ايجاوه
هبشة خارمه مطفل ابتالي الليل
ياونها غلج وبشوفها اعيازه
الشعر لهل الشعر انطه مثل ماكال
المثل حط الخبز جدام خبازه
الشعر انتم هله وبحوره المريعات
وشطوط الورد وامثالي اكوازه
جرهه ولون تكسر واهس العطشان
وحشه من الملح بكتارها حيازه
شبت والشعر عندي دفك بيه شيب
كبلي ولو نخيته نكل عكازه
يذب سويه لحجي من ينتجي عله الشيب
ولفانوس يعشي لوكرض كازه
الشعر مثل القماش وكون مو خياط
راعيه اليفصله اتصيرله جيازه
ً.
.
.
ً
سيد يوسف الگوبع
رد مع اقتباس
