أداء وألحان : الرادود مسلم الوائلي
كلمات الشاعر : عبدالله الفريجي
تصوير : كرار فاضل - مهدي اللامي
إضاءة : كرار السوداني - أحمد جبار
مونتاج وتلوين : حسين خان
إخراج : صباح نجم اللامي
إنتاج : الإسراء ميديا 2020 | دولة الكويت
الإشراف العام : جراح الحسيني
حضرت الهدوم السود والراية
ما باقي لأيام المصاب هواية
عايش على الله وعلى خدمة الحُسين
گلبي يرف لو سمع طاري قراية
صدفة امشي وعيني شافت علم رف گبالي
ذكرى من ذاك محرم اخذت گلبي وبالي
بالنهار اخدم وبالليل اللطم يحلالي
گاعد واتاني واحسب ثواني
عاشگ وعندي محرم اغلى من حياتي
ليلة ليلة اعدهن .. دمعة دمعة المهن
لو افوت ليلة منهن تعتبر مماتي
اليتعب المحبوبه يغلى ويحلى
وحسين يسوة التعب من اتعبله
عادات عد كل العرب يا مولاي
معروفة عالخادم يعيش بذلة
بس اليخدمك يبو اليمة يعيش امدلل
من بعيد يبين بدمع الغرام امكحل
كون جابوا طاري للهيبة يصير الأول
الحب والمشاعر بحساسي حاضر
كلمن يخاف اعلى جرحه وخدمته لأمامه
والگلبه هايم .. بعطر المآتم
من يمر طاري المجالس ينتشي بغرامه
الگلبه هايم بيك يابو الاكبر
بجية محرم كل هواه يتغير
كل ما سمع كلمة غريب اگباله
عيونه ترسم طفلة نامت بالبر
حزنك بكل گلب عايش يا عزيز الزهرة
من يهل عاشور كلها اتون عليك وتقرا
يا غريب وجم محب غربتك كسرت ظهره
يا حزن الگلوب يا اغلى محبوب
يا جرح ماله طبيب ولا يصح نسيانه
يا شهم دخيلك .. ما شفت مثيلك
يمن حتى نعيش جم طفلة مشت عطشانة
يحسين يا عشگ الزغر والفطرة
حبيتك وعندي بغرامك عشرة
أيامي الگضت وياك احلى أيامي
وما عندي غيرك منه اريدن نظرة
منهد ما حبيتك وباب العشگ سديته
يالوحيد الدللاني برحمته وحنيته
وين الگى المثلك يضحيلي ببنه وبيته
دللني گلبك خلاني أحبك
عيشاني بخير واطاني دمع لضعونك
وبگلبي شلتك .. ما لحضة عفتك
وكون تعمى اعيوني إذا دارت لغير اعيونك
رد مع اقتباس
المشاركة الأصلية كتبت بواسطة ألـــيــــنــآ
