درر العراق

غسان العراقي · 19/January/2013

قصه حب على شكل دارميات

ااكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..

حني يبنت الناس مرة اعلة حالي***صدكيني انة اهواج وانتي بخيالي

ردت عليه..وكالت..

لاحن ولا اهواك ماعرفك انة***لاتحجي بعد وياي كافي ميانة

رجع ال وكال..

ما اكدر انة اساج صرتي انتي روحي***وبلمسة ايدج هاي تذبل جروحي

جاوبتة البنية بهذا الرد..

امشي يخوية وروح والعن ابليسك***مو سلعة انة وجاي ياخذني جيسك

جاوبهة ال..

مو سلعة انتي ادريج انتي حياتي***واتمنة يمج كون يحصل مماتي

كررت البنية كلمة خوية وجاوبت..

كافي يخوية وروح وابتعد عني***تلكة بنات هواي حتى احلة مني

كال ال..

من بين كل الناس كلبي يريدج***وسلمت هاي الروح ياحلوة بيدج

بدت تمل كلامة البنية وردت..

أيس يخوية وروح لاتاذي كلبك***ماريدك وماريد ياخذني حبك

رجع صاحبنة ال..وجاوب..

هيجي يبنت الناس صعبتي امري***دمرتي حلم الروح ضيعتي عمري

ضاجت البنية كلش وجاوبت بعصبية..

ماريدك وماريد كربك الية***اخر كلامي وياك حبتك حية!!!

رجع ال بعد الصدمة...وكال..

اقبل كلامج هاذ بس ما اعوفج***يومية اجيج هنا ويومية اشوفج...!!!!

رجع ال يمشي علة اعصابة(مو علة رجليه...ههههههه)

ورجع يتمنى قبولها........بس هالمرة منو بدا يحجي؟؟؟؟

هية بدت بالكلام...وكالت...!!!

ها خوية شو رديت شنهي القضية......مافاد حجيي وياك ذيج المسية

جاوبهة ال بلهفة...

رديت الج مشتاك صدكي يحلوة........عتني عليج الشوك مو بيدي كوة

طلعت البنية بعد كل هالهوسة تحب الصراحة!!! وكالت...

سولفلي قصتك كول حلوة الصراحة.....انتفع بيهة هواي واشعر براحة

سولفلها صاحبنة ال بصراحة تامة وكال.....

حجيي الصريح وياج انة هويتج........واليوم اجي خطاب واتعنة بيتج...

من سمعت بيهة خطوبة البنية.....لانت شوية....وكالتلة كلمة...عيني!!!!

هلكد يعيني تفيض شوك ومحبة......طيب وعالاخلاق كلبك تربّة....

خطية نا.......بدة ينتظر الرد الصريح....وكال...

ها يبعد هالروح ما جاوبيتي.......كافي شلاع كلوب كولي رضيتي...

جاوبت البنية...

والله رضيت اهواك اسرني حبك.......واتمنى اعيش وياك واتمنى كربك

جاوب ال بعد كل هالعذاب....فرحان ومرتاح...وكال...

همي يحلوة انزال من هالمودّة.........غيم الحزن والاه بيدج تعدّة...

ضحكت هية وكالت......(شوفوا بدة الاستغلال...!!!!)

يلة دشيل الماي خلينة نمشي......صرنة اهل واحباب وانتهى كلشي.,.,.,

منقول
تحياتي