بالسفر وتعوف بنتك
برنامج محرم 1442
قصيده للعليله عليها السلام
وزن دارمي
بالسفر وتعوف بنتك
قصه وتخيلها عـندك
شلون لو چانت عليله
مــنو غيـرك تشتكيـله
قصه وتخيلها عـندك
ـــــــــ◐◐◐《( 1 )》◐◐◐ـــــــــ
لو سافــرت لبعــيد ومــعزم تـروح
تتركها بالحسرات وغماگ الجـروح
اليبچي بالبسكوت بدمعه مفضوح
بنتك عـزيزه اعلـيك عايفـها لنـوح
العقل صعــبه احتملها
طفله ويعوفوها اهلها
الدمع جمره تسيلـه
منو غيرك تشتكيله
قصه وتخيلها عـندك
ـــــــــ◐◐◐《( 2 )》◐◐◐ـــــــــ
ترضـاها انته شلـون بنتك عفتها
تـنـوي السـفر لبعــيد ماودعــتها
تبچي وتريد وياك چن مسمعتها
تاخذ اخـتها تـريد بس ماخـذتها
تنظر جيتك علـــيها
بالدعاء رفعت اديها
شلون لو چانت عليله
مــنو غيـرك تشتكيـله
قصه وتخيلها عـندك
ـــــــــ◐◐◐《( 3 )》◐◐◐ـــــــــ
قصة العليله احـزان من الضـعن راح
بليه الاهل وتصـير مكـسورت جـناح
شافتها ابوها يروح بيت الامل طـاح
تصيح ودمعها يطيح ياعظم الصياح
دارهم ظلت خـليه
خذو منعدها رقيه
تعلم السفره طويله
منو غيرك تشتكيـله
قصه وتخيلها عـندك
ـــــــــ◐◐◐《( 4 )》◐◐◐ـــــــــ
تبچي وصداها يصيح ياعظم المصاب
يافاطــمه بهالــيوم فگــديتي احــباب
اهلچ ذبــح يرحــون والبــاقي غــياب
فاطــــمه تتيتــمين لـن الابـــو غـــاب
اه ياعـــظم الهـظـــيمه
من الزغر صارت يتيمه
عيشه صارت مستحيله
مــنو غيــرك تشتكـيـله
قصه وتخيلها عـندك
ـــــــــ◐◐◐《( 5 )》◐◐◐ـــــــــ
قصه وبقت الجــيال تنــقل وقــعها
جمر وحرگ الخدود يهــمل دمــعها
يحسين اخذني وياك بس ماسمعها
طفله وعليله شلون يسهل وضــعها
مدلله چانت ببوها
يمها ماخلو اخوها
مابقت عدها وسيله
مـنو غيرك تشتكيله
قصه وتخيلها عـندك
الشاعر الحسيني فرحان البزوني
رد مع اقتباس
المشاركة الأصلية كتبت بواسطة ألـــيــــنــآ
