دمعة حزن محسوبة
دمعة حزن محسوبة
…………………
مولاي يا ابا عبد الله
……………………
راسك عل رمح مرفوع
وجسمك عل ثرى أموزّع
بسهام ونبل وسيوف
او دمّك بالنزف ينبع
عليك اتجول عشر خيول
اتوذّر جسمك او تگطع
راسك عل رمح مولاي
نوره چالبدر يسطع
يقره وبكتاب الله
وعينك بالدمع تدمع
محّد ما سمع صوتك
وگلب اليسمعك يخشع
بس اليعبد الطاغوت
او لصنام الشرك يخضع
مأثوم ابحقد موروث
گلبه ابّغضك اتشبّع
راضع من ثدي الشيطان
ضدّك بالحقد يرضع
وجسمك عل ارض من طاح
أصبح مرقد او مجمع
علمي وديني للاحرار
واللي الربّه بس يركع
والدمّ النزف عا گاع
يسگي آجيالنه او يزرع
حبّك وبگلوب الناس
او غيرك ابد ما تتبع
أنت الشرف انت الدين
وآختم شعري بالمطلع
راسك عل رمع مرفوع
وجسمك عل ثرى اموزّع
… ...........
رزقنا الله شفاعة الحسين عليه السلام
……………
نزار حمزة المظفر
رد مع اقتباس
