ــ جا اني شعلية بهاي السالفة؟؟؟المشاركة الأصلية كتبت بواسطة راهب
ــ انت شسويت؟؟؟
فتحت اذنك وعقلك السخيف للخارج ... سمعت مقولاتهم اللي زرعوها بدماغك المتحجر .. واللي ما خلتك اتشوفهم غير ظل الله .. الظل اللي يشتغل وفق مقولة (اعرف اهل الحق ... تعرف الحق) وباعتبارهم هم اهل الحق النسخة الثانية... فجنابك السخيف ما تكدر ااتفكر شوية وتكول ليش اني اقتل فلان العراقي اللي دمه دمي ... ولحمه لحمي... باعتبارنا شاربين ماي واحد .. وماكلين من سفرة وحدة؟؟؟
هذا عميل السفااااارة ....
جا انت عميلمن؟؟؟
عميل شط الكوفة مثلا؟؟؟
لو عميل المرقد الطاهر للعلوية شريفة؟؟!!!
فهمني ... شنو معنى العمالة بقاموسك؟؟؟
ليش ذاك عميل... وانت مناضل ومجاهد ونبوي ورباني وروحاني .. ومرجعي .. والله خالك ؟؟؟؟
فهمني ... شنو القياس.. الفارق ... الاختلاف؟؟؟
فهمني ... بلكي من افتهم .. اجي ويااك واؤمن بمقولة ( اعرف اهل الحق ... تعرف الحق) واكول على (علي) انه اجتهد فاخطأ... وانك اجتهدت فاصبت...
ليش تؤمن بالغاء الحدود ... وغررت بشبابنا اتروح تقاتل مع الظالم .. بوصفه مظلوماً؟؟؟
ليش تؤمن بان الحرب الصليبية موجهة ضدك .. وانت لازم اتشيل سلاح وتربي لحيتك .. وتشد راسك ... وتردس بالكاع
ليش تبرر قتل الناس اللي تحلم بمشفى محترم ... وعيشة محترمة ... الها ولاطفالها؟؟؟
ما تسال روحك من يتمرض ابنك وتاخذة للمشفى اللي ما يصلح لمعالجة الحيوانات.... ليش هيج حالنا؟؟؟
فهمني.... لخاطر الكعبة ... فهمني ...
فهمني لخاطر الكعبة ...
مكتوب علية اكعد بالضيم ... حتى ابن طهران ينتعم بخيرات بلده ...
وابن تركيا يلعب فلك على ساحل البحر المتوسط...
وابن سعود ياكل الكبسة ويصاد الضب ... ويمارس رجولته العربية بالسيف..
وابن الكويت يروح لباريس حتى ينشر دينه بين جميلاتها...
وانت ... تكون اداة طيعة ...
طاوة تلكي البيضة وياكلها غيرها.. كاس يصبون به قذاراتهم .. سرير يمارسون عليه عهرهم ...
وانت متونس ... وتصيح هيئناً لنا الجنة ..
الجنة اللي اقسم بالله العظيم .. وانه قسم لو تعلمون عظيم .. ما راح اشتم ريحته .. ريحة ريحتها .. وانت اتسلم عقلك وتفكيرك لثلة من الغجر الخارجي .. لعتّل زنيم .. يمارس مقولة ( اني انا ربكم الاعلى) وفق رواية (اعرف اهل الحق ... تعرق الحق)
شقشقة.
القراءة ممتعة جدًا و مفيدة لما يكتبه راهب
كل الاشياء من تنغسل تطهر وتنظف الا الحظ
.................
الحبيب قاسم
اشهد ما بالله
كلاَم عظماء
الناس ديجيبون اطفال ببلد اني شخصياً اخاف أجيب بي حذاء ابيض !
الدنيا مصالح
