فد مرة تعرفت على شخص كان شكله ناعم وكيوت وابدا ممطابق عمره... يسولفلي يگول زوجتي كلش ضخمة واكبر مني وملامحها مرعبة وين ما نطلع العالم عبالهم اني ابنها ومحد يصدگ اني زوجها. بالاضافة الكل يسموها الرهمة وهي متعقدة من هاي الكلمة.
فد مرة تعاركنا ورفعت صوتي عليها...يگول وهي بدت تصيح وتعيط وتغلط وصوتها وصل لكل الجيران.
اجاني واحد من الجيران عنده مشكلة بالنطق وما ينفهم منه شي..گلي عييوي انت ليش يزعل هورمة؟ يكول هي صفنت وگالت عليوي هذا يقصدمن بالهورمة؟ گتلها یقصدج
يگول گالتله حتى انت ابو نص حرف هم تصيحلي رهمة ( فهمتها خطأ)! وهجمت على الرجال بحيث اريد اخلصه منها ما گدرت..
وهي تسحل بي هو يصيحلي عييوي هورمة وكيح كسر راس! يگول گتله منو يكسر راس منو؟ گلي انت كسر راس هورمة!
گتله خایب تعال نشرد لا يتكسر راسي وراسك...
يگول احنة نركض وهي ورانة مثل النسرة..وصاحبي يلتفت الها ويگول هورمة قوي ما شاء الله!
گتله ولك لا تگول ما شاء الله...احسدها بلكي تعثر قبل لا تفترسنا
المهم يگول اني فلتت ورحت اريد احد يلفيني محد يقبل الكل خايف من الهورمة..بقيت دايح الى ان توسطولي عدها وصدر عني عفو عام يلا رجعت للبيت.
ومن يومها شتريد الهورمة ما اگول الا حاضر وبامرج
رد مع اقتباس
المشاركة الأصلية كتبت بواسطة فقار الكرخي
