/ تحدثي سلباً وايجاباً بحق بعض الاعضاء ،،،،، لكم كل المجال والمساحة
/ تحدثي سلباً وايجاباً بحق بعض الاعضاء ،،،،، لكم كل المجال والمساحة
تحياتي لك استاذ بشير الطيبالمشاركة الأصلية كتبت بواسطة بَشير
العزيزه روح
ها انا عدت كما وعدت....
مميزه في ردودك
كما هو متوقع
سأحاول لا اجهدك في الاسئله
اهلا بعودتك يا لطيف
من باب التخفيف وتحت مبدأ
من زار وخفف ...
اسألتي :-
برأيك الرسائل المبطنه
التي يبعثها البعض من خلال سطورهم
كيف تتعاملين معها؟
أذا كانت تسر الخاطر فأبتسم لها، واذا كانت تزعج فأحاول الا اعيرها اي اهتمام...ولو كان بيدي شيء للذي يبعث الرسائل لعملته له..!
النسبه المؤية لاقتباسات الافكار والسطور لدى روح ؟
دائما اقتبس فـ تقريباً 70%
خلو مقعد (نائب) من عنصر رجالي... عدم ثقة - رغبة المالك - شىئ اخر ؟
مااعتقد عدم ثقة لان حسب علمي سابقاً كان النائب رجل..اعتقد رغبة المالك مو اكثر..
سطرين يجب قولها لكاتب السطور هذه، مجردة من كل دبلوماسيه لتبقى ذكرى خالده له
" شخصيتك مختلفة، حاول أن لا تعير أهتمام لأي شيء يزعجك.. ربما تملك الحاسة السادسة او الفراسة في البشر..اتمنى لو تستخدم تلك الاشياء لصالحك فقط! "
يقول احدهم
قمه الإنسانية أن سيترك المكان
كي يرقد الآخرين بسلام
هل هذه تضحيه ام هروب من الميدان ام هو محق؟
هروب من الميدان لا غيره..
ما الذي يلفت نظر روح في إيطاليا؟
أخص بذكر ايطاليا مدينة روما..أحب شوارعها وازقتها القديمة وآثارها...انجذب لكل قديم وأصيل..
دندنة لروح لا تفارقها؟
قليل ما ادندن..واذا حصل فـ بأحد قصائد ايهاب " شعر يعني "
ماذا تعني لكِ؟
الحاسة السادسة
السيكوباتيين
اتمنى لو املك الحاسة السادسة حتى استخدمها لصالحي وما اتعب بالتفكير مثل هسه، السيكوباتيين زملائي ههههه..
ربما لي عوده ان بقي لنا نبض في روح
ل روح نبض صداقه
لا ينقطع...
الشكر موصول ل مخمليةة
سلام عليكم... عدنا
س١ البطاقة الشخصية
فرقد..
مواليد 94/5/31
بكلوريوس محاسبة
س٢.. كم جهاز موبايل انواعهن موديل؟
واحد نوعه A70..
س٣.. هل مشتركة بمنتديات أخرى عدا الدرر...
اذكريها..هل انتي عضوة أو مشرفه بها
لا، فقط الدرر..
س٤.. عددي 5 من اقرب الأصدقاء اوالصديقات بالمنتدى
الاغلب احبهم هنا..المقربين.." بشار، علي، بشير، اشجان، نادلين "
س٥.. مارأيك بأداء القسم القانوني.. والمشرف عليه..
الصراحة اني ما اتوغل بأقسام الدرر، دخولي قليل جدا واشوف اللي گدامي وبس..لكن هذا مايعني ان ما لفت نظري الانضباط والتميز بالقسم القانوني وبعض الاقسام...وضعت بصمة رائعة حضرتك سواء بالاشراف لقسمك او بالمنتدى ككل..كل التوفيق استاذنا
تحياتي لك ولمخملية..
صديقي الغالياجوبة جميلة ك جمال شخصيتج الحلوة
-كوليلي تتريكين الصبح لو هو غده هو ريوك ؟
جان هو غدا هو ريوگ..هسه هو عشا هو غدا هو ريوگ
-من تسوين عشا هم تفتحين نت بهالوقت لو تسدين كلشي وتشتغلين ؟
اسد كلشي واشتغل
-شوكت تزوجين مو راح تعنسين "هالمقولة اكيد سامعتها خصوصا بمجتمعنا العراقي اللطيف" المهم ليش العمر يعتبر عدو للمرأة وليش يربطون هالشي بالإنجاب ؟
مع احتراماتي للمجتمع، لكن تفكيره فارغ وسطحي ومحدود...اذا يعتبر انجاز المرأة فقط الزواج والانجاب شتترجى منه؟؟!
من احجي بهالخصوص يرادلي الف صفحة هنا ولو ابرد غليلي لو لا، اسكت افضل..
-وين المشكلة إذا شخص كان من غير دين أو حتى إذا كان لا ديني ؟ ليش كلش ندقق بهالمسائل وعلى ضوءها يلا نتعامل مع البشر ؟
هنا يعتمد ع التربية..اذا واحدنا يربي ابنه على الطائفية والتميز اذا شافه من غير طائفة يعتبره عدوه! شتريدة يكون؟ يرجع هالموضوع لثقافة التربية..
-تحسين نفسج قوية ؟
جداً
أي / شلون قوية ؟ بطلت اعتمد بحياتي على احد، وبطلت اهتم بأحد وهو مو مهتم، بطلت ابجي على شي منتهي!..وبطلت اتمنى شي مستحيل..وهواية امور غيرها...
لا / ليش لا ؟
-لو كان أمامك دوستويفسكي شنو حابة تكوليله ؟
لطفا أخلقي لي مشهدا نشعر به لا جوابا عاديا .
بيننا شبه عظيم..كأننا خلقنا من نفس الطين ومن ذات الوجع..ثم احتضنه
-إنتي من أنصار ثورة تشرين أو ضد ثورة تشرين ؟
مناصرة لها ما حييت..وامقت اعداؤها مهما كانوا ذا مقربة و ود..
شنو رأيج بالأشخاص الي يقللون من هالثورة ويوصفوها بأبشع وصف ؟
ليش تحجيني يا بشار انت تعرف رأيي بيهم..ترا انحظر من وراك هههههه
-لاحظت كاتبة لو عرض عليج الاشراف لاخترتي قسم النقاش . شلون شايفة قسم النقاش بمواضيعه المطروحه ؟ وانتي مع نشر المواضيع الدينية والسياسية بالقسم لو هالشي يولد صغينة ومشاكل وماله داعي التطرق لهلاشياء .
هو مدام اسمه نقاش لازم تنطرح كل المواضيع بي، لكن من اطرح شي حساس لازم اسن قوانين بي صارمة بحيث اللي يخرج عن حدود النقاش يتعاقب بعقوبة قاسية..واعتقد الحظر الدائم يكفي ك عقوبة للمخالفه، انت مدام اخترت النقاش كون كدها ولا تظل تدور زلات على غيرك وتمسكها دليل ان هو ضدك وعدوك!!...واذا تبقى تخوط بصف الاستكان خليك بالمواضيع المستمرة افضل..الخ
-ليش أي حديث بين الرجل والمرأة يفسر بغير تفسير ؟ متى يفهم مجتمعنا العراقي والعربي إن حديث الرجل مع المرأة والعكس مو شرط إلا يكون وراه شي ومو شرط يتحول لعلاقة ؟ برأيج ليش نسيء الظن قبل ما نحسن الظن وإحنا مجتمع ندعي الصدق والدين وهالسوالف .
احنه مجتمع ديني واسلامي ظاهرياً، والا لا نعرف من الدين شي ولا نمت للاسلام بصلة..وهالشي اكده الامام علي بأحد اقواله.."ما يحضرني القول اعتذر " لكن قصده راح يجي زمن الناس ماتعرف شي عن الاسلام والدين الا رسمه فقط، لذلك نحن مجتمع جاهل والجاهل توقع كل شي سيء منه..وانا اولهم!
قبل شوية سويت كهوة وشربتها ويه أمي
جان خليتلج فنجان هنا بس خلصت
بسيطة بشار
وعندي بعض الاسئلة
المجاوبتة سابقا اهملي
1 . عمرج 26 سنة وبعدج على كولتج سكنل
متخافين يفوتج القطار
اذا فات القطار فـ فات بأرادتي لاني اما احصل مقعد بالقطار مريح وبي ستين حظ او ما مجبرة اظل واكفه طول الرحلة علمود كلام الناس اللي لايقدم ولايأخر..!
2 . هم تقدملج الدكتور والطيار والضابطورفضتي
لو اصلا محد سلم عليج
ضابط اي وجنت موافقة بس اهلي الله يسامحهم رفضوا، هسه شعليكم انتم
3 . اهلج شنو مستفادين منج
وجودي بالبيت كافي
4 . تعرفين تطبخين وتخبزين واديرين
امور بيت كامل وحدج لو مدبريها
ادبرها طبعا..
5 . شلون تتمنين يكون فارس احلامج
عنده عضلات وطولة فوگ الـ188 ههههه
اهم شي يخاف الله وكل شي بعد هالامر مو مهم..
6 . منو سندج من افراد عائلتج
امج ابوج اختج اخوج
أمي
7 . طولج وزنج
طولي 163cm
وزني 63
8 . شنو اسعد خبر سمعتي
ما سمعت خبر سعيد من زمان
9 . اكبر انجاز مسويتة بحياتج شنو
غير الدراسة طبعا
ما سويت اي انجاز..والدراسة مو انجاز شي بسيط جدا والكل مسوين هالشي..
10 . اغلب مشاركاتج بالمنتدى
بيا قسم
والله ماانتبه الصراحه
هواية عندي ملاحظات، وكل عضو عنده سلبيات وهم يملك ايجابيات حتى اكون منصفة..
بس من احجي كل شي بشكل واضح محد راح يتقبل وبالتالي يكولون منو انتِ حتى تحكمين علينا والج الظاهر بس..وطبعا كلش زين يعرفون الالهم والعليهم..بس محد يقبل على نفسه..
والدليل موضوع عضو خلف الكواليس هواية ناس ما حبته لان بي نوع من الصراحه..
ف خلي الوضع هادئ افضل..
تحياتي للجميع
أهلًا بالمُحاسبة روح
سؤال دائمًا يُطرح على طالب المحاسبة , هل المحاسبة علم أم فن , ما رأيكِ انت ولماذا ؟
هل أثر مجال دراستكِ على شخصيتكِ سواء كمحاسبة بصورة عامة او أي فرع من فروعها ؟
ماذا تعني لكِ الروح ؟
اخترتِ اسم روح هل المقصود روح أحدٍ ما أم روحكِ أم شيء آخر ؟
كيف تجدين ملامحكِ ؟
ما الشيء الذي ينقصكِ , ان وجد ؟
ما الشيء الذي ورثتهِ من والدتكِ ؟
تحياتي و محبتي لكِ
لارا الفاتنة..تحياتي لكِ يا عزيزةأهلًا بالمُحاسبة روح
اهلا بالزميلة لارا
سؤال دائمًا يُطرح على طالب المحاسبة , هل المحاسبة علم أم فن , ما رأيكِ انت ولماذا ؟
هي علم وايضا فن..علم لان بيها قوانين وقواعد ولازم تطبق وفن حتى نطبق هذه القوانين بدون أي اخطاء محتملة...
هل أثر مجال دراستكِ على شخصيتكِ سواء كمحاسبة بصورة عامة او أي فرع من فروعها ؟
برغم سطحيتي بهالمجال ومحاولتي ان ما اتأثر بيها، لكني تأثرت ونظرتي اختلفت..تگدرين تگولين صرت عقلية تجارية نوعا ما.." اللي عنده فلوس خلي يجي استثمرهن اله "
ماذا تعني لكِ الروح ؟
لا يختلف المعنى عندي كثيرا عن ما هو معروف عن الروح بصورة عامة!
اخترتِ اسم روح هل المقصود روح أحدٍ ما أم روحكِ أم شيء آخر ؟
الـ روح النقية المجردة من شوائب الايام ودنس الحياة..
كيف تجدين ملامحكِ ؟
قوية، وبرغم عاديتها الا انها تجذب جدا ^_^
ما الشيء الذي ينقصكِ , ان وجد ؟
لا ينقصني شيء ابداً.
ما الشيء الذي ورثتهِ من والدتكِ ؟
الصبر، وقوة الشخصية..
تحياتي و محبتي لكِ
الى هنا ينتهي وقت هذا العدد من كرسي الاعتراف
ونتقدم بحزيل الشكر للاخت
« روح »
لصراحتها وسعة صدرها
الى اللقاء في عدد جديد وضيف متميز اخر
انتظرونا
