عيش وحدك
عيش وحدك
تلكه روحك .. تلكه يومك .. تلكه ربك
شما يمر هم بغربتك كول سهله
ظل غميج...
ويا غميج العاش دهله ؟!
ابقه ردد
يا امل بيك استراح ...
يا امل بيك استراح ...
"فالامل نقطه في بداية سطر عليك السعي لنقلها في نهايته"
ظل مقاوم وابقه جاهد واختر النسمه بهواك
وكل حزن بظنون باجر ينتهي وتحله بضواك
"كن بعيدا لكن دعنا نراك فصيت الكواكب ليس كصيت القمر "
ظل بعيد
اييي بعيد ..
كلمه سافر وافهم اجدام البريد
ولا تأمن
حتى بعيون القروك
حتى بجفوف الخذوك
حتى بالسواك شبكَه
ودك صدر كال انا اخوك ..
لا تأمن .. ظل شحيح .. صير حوك
"فالصديق فخ لكشف الاسرار"
وهذا يا فخ اليظم راي النسوك
هذا يا فخ اليبطل رايهم لمن لكوك
....
"فاعدائك كثيرون ونبالك كافيه لكنك تفتقد القوس "
شلون تاليهه تصوب
وانت سيف ابلا زند
وانت كل اسرار طيبك
شارهه بحبل الجرد ..
كافي خليك بصوابك .. واعلن ارقام الجرد
اكتب بصفحات كَلبك
طيب بطينة صلد ...
طفحه لماهه الجلد ..
عيش وحدك وابقه كابر
بهوه ابلا هوه عايشه اسنين المكابر
ضياء النثري
رد مع اقتباس
المشاركة الأصلية كتبت بواسطة انثى مخمليةة
