درر العراق

ارجع يازمان · 14/August/2020

بابك ينغلق وانته ابن داحي الباب!
والله اخجل أكولن هاي االحجايه,

يحسين الدموع امشكبنات اعتاب!
شنهي اكرونه قابل عندك اهوايه!

اكرونه واهلها وكل مرض ينجاب
ما تبقه ابدربنه واحنه مشايه.....

مو من عدنه تبعد لكن الاسباب
ابو فاضل يجينه وحامل الرايه

كل ذرة وطن ويانه الك تنجاب
وخجلان الفرات املثم ابمايه!

خدامك اليوم ابدمع الاستغراب
مكسورين خاطر ضلوا ابهايه!

صدك هاي اربعينك مايمسنه اتراب
من زوارك وتتعطر الثايه!

يحسين الدرب رايح يصيبه اعجاب
وين اليعتنون ابكاعه عنايه!

شو هالسنه ما نصبوا خيم تنهاب
ابمدت السفره ابطول الولايه!

ودربك عرفانه وصاحبنه اصحاب
وكل الصاحبونه اهوايه وفايه

اطفال وشباب ابدربك وشياب
جنها الجنه شفنه ابوجهك امرايه!

داعش ما منعنه ولا منعنه ارهاب
واصلنا الطريق ويمك الغايه

ويه الموت اجينه وقدمينه اركاب
والخادم الك متمسك ابرايه..

نهتف يا حسين واحنه بالاصلاب
اسمك مانبيعه ونبقه شرايه
اسمك ما نبيعه ونبقى شرايه
حسين االساعدي