هاجم الفنان المصري أحمد فلوكس، المشاهير الذين تسارعوا على نعي اليوتيوبر مصطفى حفناوي، الذي توفي مساء أمس الإثنين، إثر إصابته بجلطة في المخ عن عمر يناهز 25 عامًا.
وتسابق العديد من مشاهير الفن على نعي حفناوي، عبر حساباتهم الشخصية، بينهم رانيا يوسف وهاني شاكر وتامر حسني وغيرهم.
وظهر فلوكس في بث مباشر عبر حسابه الشخصي على "فيس بوك"، تحدث فيه منفعلًا عن وفاة مصطفى حفناوي، حيث قال: "أبويا علمني مغلطش في حد كبير، وأنا معرفش مصطفى حفناوي، ولكن متابع حالته من عدة أيام، محدش زاره غير تامر حسني لأن تامر راجل".
وأضاف: "بقاله 7 أيام بيناشد عايز يتعالج، مسمعناش عن اللي كتبوا عنه في طبق اليوم، دلوقتي كله الله يرحمه، كله بما فيهم الأستاذ الفاضل الكبير هاني شاكر، اللي قال أنا معرفوش بس قلبي وجعني، طب قلبك موجعكش وهو مش لاقي مستشفى تستقبله وهو عنده جلطة في مخه؟؟".
وأردف: "اتقوا الله كفاية متاجرة بالبني آدمين، كفاية، إيه دا إيه دا، ما كان بقاله 6 أيام مش لاقي حد يعالجه أو يساعده، اللي عرف الناس القصة لما تامر حسني راح زاره، دلوقتي بقى كله فاكره، أستاذ هاني شاكر هو تامر حسني النقيب ولا أنت".
وواصل هجومه قائلًا: "اتقوا الله، انتو بتاجروا بموت بني آدم، دا شاب وصغير، الناس اللي كاتبين الله يرحمه الفنانين والفنانات والمنتجين كنتوا فين وهو يوتيوبر وكان عايز يمثل، وهو بيروح من الكرفان دا للكرفان دا وعايز يمثل، مخلتهوش يمثل ولا يبقى فنان ليه".
وأوضح: "ولا لما مات افتكرتوه، إيه دا، طيب مش انتو زعلانين عليه، أنا بطالب كل اللي كتب الله يرحمه إنه يروح يبني جامع باسمه مدام انتو رجالة أوي كدا، احنا في زمن غريب".
ثم عاد فلوكس وظهر في بث مباشر آخر، تقدم فيه باعتذار لهاني شاكر نقيب الموسيقيين، وأكد على أن الفنان أشرف زكي نقيب الممثلين، تواصل معه عقب ظهوره في البث المباشر الذي هاجم فيه أمير الغناء العربي.
وقال أحمد فلوكس في الفيديو: "احترامي الشديد للاستاذ هاني شاكر، قيمة وقامة كبيرة، وهو صاحب والدي انا مقصدش اني اغلط فيه، ولكن انا كلامي كان واضح، ومبتكلمش إن مصطفى كان لاقي مستشفى ولا مش لاقي،، القصة كلها بالنسبالي إن كم الناس الي قعدت تقول الله يرحمه وهما معملوش ليه أي حاجة".
رد مع اقتباس
المشاركة الأصلية كتبت بواسطة فرانكشتاين
