انام بلايه وهواوسي
برد ديرة اعله شبّاچي ونده متعوب
وغيمة مامش مدنگه ،
نثّت كل مطرها اغروب
استورحني الحزن فيّ آخ وزت بيه سچچ للغاد
وهمت لبعيد عن الراگ اتوسل خيال شراع
اثاريني ذنب منذور للمدري
لگيت الخوف ناهبني يوشل دروب من عمري
ولا صحلي درب للفات اشهگ منه وكت الطيش
صلت كل دكاكيني عله سوگ ال ليش
ولا صح للهله امساوم
يمد جرحي تواسيله ولا رب اليغيث النزف ويركده
ولا توبه التسامرلي نبي احلامي
حته ادري ذنب مامش
عله عيوني انرسم چم لون للغربة
ولا سنبل عشگ ناسي
واخاف ينز بياضي وينهدر عشگي
وتبات اظنوني عد راسي
وانام ويبقه وهواسي
ارهم بيا عذر حيطان الموادد
وترد اولايتي نسرين للدنيه
والگه اعيون ترسمني
واتيّه خلگي من ظني
والگه اگلوب مو ذني
واموّت الشيب والمدري ونوايا الما يريدني
وتبات الدنيه عد راسي
وانام بلايه وهواوسي
ضرغام الحمداني
رد مع اقتباس
