استفسار عن النت
السلام عليكم
ابن اخوية عمرة 12 سنة حباب كلش
بس يومية ابو كاتلة
مشكلتة يضل للصبح يلعب بوبجي
والنهار نايم
حاول ابو يمنعه بكل الطرق ما كدر
يطفي النت
هو مكنك عالجوارين
السؤال
اكو فد طريقة معينة
اكدر اخلي موبايلة يفصل عن النت
مثلا بفلان ساعة ويرجع بفلان ساعة
مثلا من الضبط او فد برنامج
مثلا اخلي يفصل عندة النت ساعه 1
ويرجعلة النت ساعه 8 الصبح
ومشكورين
سلام عليكم
بالأجهزة الحديثة مثل هواوي وغيره
اكو هيجي خاصية
تقليل استخدام النت.. بل حته تقليل استخدام الموبايل... تحددله وقت باليوم ساعتين تلاثه...
بس مامتاكد هل أن هذا الوقت عشوائي ام ممكن التحكم بيه يعني هل أن بالاعدادات مضافة من ساعة كذا للساعة كذا...
تأكد من ذلك انت... بس هو اكو بالجهاز هاي الاعدادات... وإليك صورة هذه الاعدادات:
هاي خوش فقرةالمشاركة الأصلية كتبت بواسطة سيد الكلمات
سلام عليكم
بالأجهزة الحديثة مثل هواوي وغيره
اكو هيجي خاصية
تقليل استخدام النت.. بل حته تقليل استخدام الموبايل... تحددله وقت باليوم ساعتين تلاثه...
بس مامتاكد هل أن هذا الوقت عشوائي ام ممكن التحكم بيه يعني هل أن بالاعدادات مضافة من ساعة كذا للساعة كذا...
تأكد من ذلك انت... بس هو اكو بالجهاز هاي الاعدادات... وإليك صورة هذه الاعدادات:
منين ادخللها
من الاعدادات
اي من ضبط إعدادات الهاتف مثل ما گال اخونه الغالي الرميثي
خل اجرب
ماكو هيج خاصية
الجهاز اسمة اي 30 اس
هاي مشكلة عامة ، اغلب الناس تعاني منها ..
اعتقد القوة والاكراه ماراح تجيب نتيجة ،، ولا اسلوب النصح واللين ممكن يفيد .
اذا حاولت تمنعه بالقوة راح يتمرد ويسخط عليك وبالتالي تكون النتائج عكسية .
الحل المثالي برأيي يكون وسط بين الثواب والعقاب ،، انو تكافئه اذا خفف من ساعات استخدام النت ، وتعاقبه إذا افرط في استخدامه .
وإذا مافادت هالطريقة انصحك تزوجه حتى لو عمره ١٢ ،، وقتها راح يلعن النت ويكره الحياة والببجي وينام بالـ ٩ .
استاذ فقار حسب الأجهزة
الهواوي بي... سامسونك اي ١١ بيه... كل جهاز وخواصه بس اغلب الجدد الان بالأسواق ضافولهن هاي الخاصية
بالفعل القوة ما جابت نتيجة
والدليل يومية يجينه مهزوم من ابوه
خل يتزوج عمه بالاول
وبعدين انزوجة
اني اشجعة على انه يضل يستخدم الموبايل بليل وبالنهار نايم
لأن قبل الببجي جان يتأخر برة وية اصدقائه
ومتعرف اصدقائه زينين او لا
وخاف يتعلم شغلات مو حلوة
بس المصيبة بالببجي هم اكو شغلات مو حلوة
وهم غلط وفشار
انوب اني ما اكدر اكتلة
لأن هو يجي دخيل يمي
رد مع اقتباس
