كشفت الفنانة اللبنانية هيفاء وهبي تفاصيل تدمير منزلها جراء الانفجار الذي وقع في مرفأ بيروت، مساء الثلاثاء الماضي، ونتج عنه سقوط عشرات القتلى وآلاف المصابين.
وقالت هيفاء في تصريحات تلفزيونية: "منزلي يبعد 500 متر بس عن موقع تفجير بيروت، إحنا لغاية دلوقتي مصدومين من اللي حصل، أنا ساكنة قدام الانفجار على المرفأ.. والحمدلله مكنتش في البيت، اللي بقى كله فوق بعضه من الانفجار".
وأضافت وهبي: "بس الحمدلله على كل حال إحنا بخير وده ولا حاجة قدام ناس اتأذت أكتر مننا وضحايا وشوفنا مناظر تخليكي تقولي مش مهم أي حاجة".
وتابعت: "إحنا نفسنا البلد تبقى بخير لمدة طويلة، مش لفترة مؤقتة زي كل مرة، إحنا تعبنا، الألم واحد واللبنانيين كتلة واحدة، اللي يزعل بجد إن ملامح بيروت راحت، الصدمة كانت قوية وصوت الانفجار اللي طلع خلا في أسئلة كتيرة، هو فيه إيه وإيه اللي بيحصل؟، ولحظات رعب كلنا عشناها، المصايب الكبيرة الي زي دي مبتفرقش، إحنا شعب واحد وكلنا بنخاف على بعض".
وأردفت: "إحنا أصلا بنعاني من تراكمات تانية في البلد، حاسين إننا بندفع تمن لبنانيتنا.. أنا مش مقتنعة إن الحادث قضاء وقدر.. ده شغل بني آدمين أو نتيجة إهمال لما تخزن حاجة زي دي على مساحة بلد كلها على بعضها 10 آلاف كيلو متر مربع يبقى عليها كل الأطنان دي من المتفجرات؟.. محدش قالهم إن ده يبقى خطر؟!".
وواصلت الفنانة اللبنانية: "إحنا ليه منعرفش إننا عندنا في مخازن على البحر حاجات زي دي؟، البلاد العربية الأخرى بخير علشان حاكمينها ناس صح، إحنا عاوزين ناس صح تحكمنا علشان نحترمهم ونصدقهم".
وأكملت: "هما عايزين يطمننونا إن الحوادث دي بتحصل في كل الدول، رغم إن العالم كله مستغرب إزاي ده يحصل؟! وعمر ده ما حصل في أي دولة عربية".
واختتمت بتوجيه رسالة شكر إلى المصريين قائلة: "بنشكركم الكتير على المشاعر الحلوة الي شوفناها من حبيبة قلبنا مصر وحسينا إنكم معانا وإدتونا معنويات كبيرة".
فيديو من الفيس بوك
رد مع اقتباس
المشاركة الأصلية كتبت بواسطة Secluded
