رجل برج الميزان غالبا وسيم جدا وعنده جاذبية عالية، مسلي جدا، لكن مشكله انه مش بيحب الاستقرار اوي بيحب يتحرك كتير في حياته بين العلاقات الانسانية والشغل واماكن السكن، اما بقى عن طبيعة شخصيته فهو من اسمه كده بيدور طول الوقت على التوازن الداخلي من كل النواحي عقليا ونفسيا وروحانيا لأنه ببساطة لو ماوصلش للمرحلة دي من فهمه لنفسه وتحقيق التوازن ده بيبقى شخصية مترددة جدا ومش سعيدة، بيحب الاشعار والكلاسيكيات بشكل عام في الموسيقى والادب والسينما، ولما نيجي نتكلم عن اللبس بنلاقي الصفات دي كلها انطبعت على استايل هدوم رجل برج الميزان
اللبس المناسب في المكان المناسب
رجل برج الميزان بارع جدا في اختيار نوعيه اللبس واستايله على اد المكان اللي هو رايحة، وبصرف النظر عن الذوق الشخصي من ناحية حبه للكاجوال او الفورمال لما بيجي رجل برج الميزان رايح مشوار معين مش بيفكر غير في طبيعة الاستايل اللي يليق مع المشوار ده وبيحيد خالص الجزء بتاع الاذواق ده، يعني ممكن يكون بيحب الكاجوال لكن بيعرف ازاي يلبس الفورمال صح جدا لما يكون عنده مشوار يستدعي ده، وعشان كده لو بصيت في دولاب رجل برج الميزان ممكن يتهيألك انه دولاب لاكترمن شخص مش شخص واحد وده بسبب الاستايلات المتنوعة اللي هو بيحطها في دولابه
استايل هدوم رجل برج الميزان
الاساسيات في دولابه
طبعا لأن رجل برج الميزان مش بيحكم نفسه باستايل معين فبيبقى صعب جدا ان يتحط تصور عام لشكل الهدوم لكن برضه في حاجات اساسية في دولابه مش بيستغنى عنها زي مثلا الفيست اللي بالنسبة له من القطع المهمة جدا اللي بيحب يضيفها لهدومه اما بيحب يضيف قطعة خارجية، والكارديجان الصوف التريكو برضه من الحاجات اللي بيحبها تكون موجودة في دولابه، اما بالنسبة للكرافتات فهو مش بيحب يلبسها اوي ومع ذلك لأنه زي ما قولنا مش بيحط نقطة المشاعر دي اوي في استايله غالبا بيكون عنده مجموعة كبيرة من مختلف الالوان والاشكال من الكرافتات
استايل هدوم رجل برج الميزان
القطع العلوية
وعشان هو مالهوش استايل واحد متمسك بيه فهو عنده تنوع كبير في نوعية القطع العلوية ما بين تي شيرت وقميص وجاكيت وترننج رياضي، وكلهم موجودين في دولابه وبيلبسهم في مناسباتهم وبيظبط الاستايل بالظبط، ولو شوفنا اختياراته في القمصان مثلا فحنلاقيه بيختار القمصان الكلاسيك اللي الوانها باستيل وغالبا قمصانه بكم طويل اما بقى التيشيرتات فهو بيفضل البولو شيرت المعروف وبيختار دايما الوان فاتحة وباستيل ونادرا ما بيختار لون غامق او صريح ولما بيخرج من اطار الباستيلات ممكن يختار الهافان او البرتقالي المحروق والبنفسجي الفاتح وممكن درجات من الاحمر الفاتح.
استايل هدوم رجل برج الميزان
اختياراته في البنطلونات
رجل برج الميزان بيحب ينوع في لبس البنطلونات، بيحب يلبس الالوان المختلفة وبيحب يلبس التفصيلات المختلفة للبنطلون وممكن كمان يجرب التريندات الجديدة، وحبه للتنوع والتوازن في الاستايلات ودولابه المليان من كل الاذواق بيسمحله ان دولابه يبقى فيه مجموعة كبيرة من البنطلونات الرياضية زي السويت بانتس اللي بيحبها جدا وغالبا بتليق عليه، والبنطلونات القماش الكلاسيكية عشان الشغل والمناسبات الخاصة، والبنطلونات الجبردين كمان عشان خروجات الصحاب او بعد الضهر غير طبعا الجينزات المختلفة من ناحية الالوان والموديلات
استايل هدوم رجل برج الميزان
الاحذية
رجل برج الميزان كلاسيكي اوي اوي قيما يخص الاحذية يعني ممكن يلبس شوز قديم ويفضل متمسك بيه حتى لو موضته انتهت ولو غير واشترى جديد بيختار الاذواق الكلاسيكية اللي مش بتتأثر بالزمن زي اكسفورد ستايل، والغريب بقى انه لما بيشتري شوز بيشتريه باكتر من لون ومش بيفرق معاه خالص انه ينوع الاذواق يعني ممكن يبقى كل الشوزات بتاعته نفس الموديل والشكل بالظبط بس في منها الاسود والبني غالبا رجل برج الميزان مش بيهتم خالص بموضوع الاحذية ده ومش بيفرق معاه فيه غير ان لون الشوز يكون لايق مع البنطلون لكن من ناحية الموديل او الموضة فده من الحاجات اللي مش بيفكر فيها تقريبا
استايل هدوم رجل برج الميزان
رد مع اقتباس
المشاركة الأصلية كتبت بواسطة ضياء المالكي
