الانثى الحكيمة اللي بتمثل كل ماله صله بالعدل, الإنصاف والتوازن, هي اجتماعية وعندها كاريزما قوية جدا… تأثر القلب بسحرها وطبيعتها البسيطة وبراءتها.. طبعا بنتكلم عن انثى الميزان…
انثى الميزان من بين كل اناث الأبراج هي الوحيدة اللي عندها خليط بين العقل الراجح والتفكير المنطقي وفي نفس الوقت المشاعر الجياشة. في أي نقاش تقدر تبينلك غلطك بمنطقها وبعدين بسحرها تأثر عليك وتكسب النقاش ببساطة شديدة جدا ومن غير أي نوع من الاحتداد أو المشادة والجدل. دماغها كبيرة وممكن تقنعها بأي فكر مختلف أوتخليها تعترف باخطائها طالما هتكلمها وتقنعها بالعقل وبالمنطق.
يلا نتعرف على موصفات ساحرة الميزان من 23 سبتمبر – 22 أكتوبر.
انثى الميزان
1- العلاقة الموزونة:
انثى الميزان بتدور على الشريك اللي يقدر عقلها, يدعمها ويكون دايما جنبها وفي نفس الوقت يعيشها حياة رومانسية كلها حب وورود ودفء, تديله قلبها وهو يقدره ويحافظ عليه, هي بتقدس المساواة وتحب قوي شعور إنها تبقي محبوبة, مخلصة جدا ووفية لشريك حياتها وبتخصص حياتها وعالمها كله بس ليه..رومانسية وبتؤمن بالحب الحقيقي. صادقة للغاية لدرجة إنها اوقات بتبقي صادمة لأنها مش بتعرف تجمل أو تحلي الحقايق.
2- المرأة العادلة:
انثى الميزان في أي نقاش أو مشكلة ديما بتفكر في موقف الطرف التاني.. بتحط نفسها دايما مكانه عشان تقدر تفهم هو ليه اتصرف بالشكل ده أو خد القرار ده .. عشان لما تيجي تحكم في الموقف تبقي شافت الموضوع من الجهتين وتقدر تحكم بشكل عادل وموزون.. بتقدر تمتص الشخص اللي قدامها لو كان متنرفز, وتحول النقاش من زعيق ونرفزه لنقاش هادي ومفيد عشان توصل لحلول عملية.
3- مترددة:
القدرة على موازنة الاختيارت والاحتمالات ده ساعات بيخلي امرأة الميزان شخصية مترددة.. ممكن مثلا متلقهاش قادرة تختار هي عايزة تدخل فيلم إيه في السينما؟! لانها مش بتفكر هي بس بتحب إيه بس بتعد تفكر كمان شريكها أو أصحابها بيحبوا إيه وأنهي فيلم ممكن يبسطهم أكتر… عشان كده التردد ده بيبقي صفة في صفها ومش ضدها.
منقدرش نقول إن انثى الميزان شخصية مستقلة.. ولا برده نقدر نقول إنها بتبقي تابعة وملهاش رأي, بس هي ردود افعلها وأختيارتها بتتغير على حسب الموقف.
4- الصديقة المثالية:
هي صديقة ممتازة واصحابها بيحبوها وبيقدروها جدا لانها بتاخد بعين الاعتبار ذوقهم واحتياجتهم والحاجات اللي هم بيحبوها.. كأنها بتفكر في نفسها بظبط. اجتماعية وبتحب اللمة و بتحب تحيط نفسها باصحابها وعيلتها وديه بتبقي أسعد أوقاتها وهي في وسطهم.
5- شيك ومفيهاش غلطة:
لما نيجي نتكلم على الموضة يبقي لازم نقول إن امرأة الميزان عندها عين نقد قوية جدا, ذوقها عالي وديما تلاقيها في قمة شياكتها, انثوية جدا, عمرك ماتلاقيها لابسه حاجة مش منظمة أو مش لايقة على بعض أبدًا.. دقيقة في كل تفاصيل لبسها, الألوان, الاكسسوار, ومكياجها عادة خفيف وطبيعي.
امرأة الميزان هي الشخص المثالي اللي تقدر توفر لحبيبها وشريكها بيت سعيد وهادي وحياة كلها حب و رومانسية .. نقدر نقول إنها الأكمل بين نساء الأبراج ببرائتها وعقلها الراجح وحنيتها ورمانسيتها ومحتاجة شريك يقدر قلبها وعقلها ويحافظ عليها ويعاملها بحنية وعدل..
رد مع اقتباس
