هنا

[Scrap]

هسة ادزلك رابط البرنامج

بس ديربالك على سكراب

ما افتح ع ارقام غريبة منا وهيج

[Suzana]

لا فقار لا ،، مو كل المواقف تنشرها .
ماتوقعت منك ممكن تسويها ، وتنشر المقلب .. بصراحة هذي خصوصية ،، والموفق معيب ومخجل ، ما يليق نشره هنا .
الاعضاء راح ياخذون عني فكرة سيئة .. وبالذات من يتعلق الأمر بالاستغفال ،، آني مو مغفل ولا اتقشمر بسهولة ،، بس سويتها انسانية ، وتوقعت البنت فعلاً محتاجة رصيد ..
اذا تتذكر آني اتفقت وياك انو ماتنشر المقلب بالدرر ابد ،، واذا نشرته راح اقطع علاقتي بيك نهائياً ،، واعتقد هي انتهت فعلاً ،،
واعتقد بعد ماكو فايده من حذف المشاركة ، لان شافوها الاعضاء ، ورسموا في مخيلتهم الصورة الي ردت توصلها .

حقك اتضوج والله ..المفروض ياخذون موافقتك
بس سؤال بقى ابالي رجعولك الكارت؟

[ا لـٰٚـِْاء سـۛـۛـلـام]

مو هن 5 برامج

لازم اسمع صوتج
حتى اعرف يابرنامج يفيدج

نطيني راوبطهم واني اكولك أي واحد فادني
وبهاي الطريقه هم عرفت ،وهذه غرضك الأساسي ، فقط المعرفه

[نـايـا]

فقار شكد استغلالي ..ادري متريد دفعت بلاء عنك وعن اهلك
دشمر البرنامج الوجه الله

[فقار الكرخي]

حقك اتضوج والله ..المفروض ياخذون موافقتك
بس سؤال بقى ابالي رجعولك الكارت؟

الله شاهد نشرت المقلب بموافقتة
دزيتلج شي عالخاص شوفي

[العراب ']

حقك اتضوج والله ..المفروض ياخذون موافقتك
بس سؤال بقى ابالي رجعولك الكارت؟

لا والله ياست ما ضايج ع الموقف ولا على الكارت .
وبالعادة تصير المواقف مع الاصدقاء أكثر من هذا ، بس الها خصوصية ، مايجوز نشرها بكل مكان .
آني علاقتي بقفار اكثر من اخ وصديق ، وكان المفروض ياخذ رأيي اقبل لو لا .
هو البارحه طلب مني اجي لبغداد ، وگال اذا ما اجيت انشر المقلب ،، وآني بالشقى گتله ظلت على الموقف انشره ،، وما كنت اتوقع ممكن يسويها وينشره .

[Mohammed K.F]

اكو مقلب قبل كم شهر سويتة بأخونا العراب

خابرتة من برنامج تغيير الاصوات
ومن رقم كورك
محول الصوت الى صوت بنية

تدرون العراب ما يتحمل

خل انقللكم المخابرة على شكل كلام
حسب الاتذكرة

الو
الو منو
اني اسمي شذى انت منو
اني خالد
خالد الكصاب
لا خالد ابو الغذائية


المهم ضلينه نحجي فوك الربع ساعة
وراها كتلة راح يخلص رصيدي
كلي لديرين بال اني ادزلج
كتلة احلف
جان يكول وروح مجيد
مجيد منو

سديته ورجع خابرني
وهم ضلينه نحجي نص ساعه
بس كام يدوس بالحجي وينزل

بعدين نهينا المكالمة
وثاني يوم دكلي الصبح مجاوبته
وضل كلساع يتصل
رديت عليه كتلة لتتصل اله اني اتصل عليك .
يوم كامل ما مخابرة
خابرني بليل كلي ها اشو ما اتصلتي
كتلة شلون اتصل واني رصيد ماعندي
انت مو حلفت بروح مجيد
دزلي الرصيد حتى كلما افرغ اتصل بيك

ورة 10 دقايق ويجيني الكارت ابو ال10 يهلهل

ثاني يوم خابرني
وجان الغي البرنامج اليغير الصوت
وكتلة تفضل
كلي غلطان بالرقم
بليل هم اتصل
وطلعتلة تفضل
كلي العفو حولت الهذا الرقم رصيد بالغلط
بلكت ترجعة

كتلة احلف بروح مجيد

جان يكلي انت منو



وراها اعترفت بعد ما ضل اسبوع على هالحاله

وجان يزعل العراب و10 ايام اراضي بي

يكلي اني مزعلان عالرصيد
يكفي سمعت هذا الصوت الحلو
بس يا اخي عيشتني بأمل
وخليتني اتأنق حتى من اريد انام

اممم ما اشوفه مقلب بقدر ما اشوفه موقف يكشف شهامة الاستاذ العراب وهو شخص ما يرفض طلب لاحد مهما كان الطلب صغير.
ولا تنسون طبيعة عمل الاستاذ العراب تخلي عرضة للتواصل مع الجنس الناعم..واكيد مو من الذوق من اول كلمتين يسأل المقابل شتريد وليش تتصل.
قبل كم يوم نقلوا عني موقف تقريبا مشابه...واني افتخر بتصرفي اتجاه البنت وموقفي وياهة.
احييك صديقي العراب...فانت رائع وستبقى كبير باعيننا
واقدم لك
اما فقار عود بعدين اعلمك

[Mohammed K.F]

ليش الادارين بالذات ؟

احبهم بالعكس

[Mohammed K.F]

لا فقار لا ،، مو كل المواقف تنشرها .
ماتوقعت منك ممكن تسويها ، وتنشر المقلب .. بصراحة هذي خصوصية ،، والموفق معيب ومخجل ، ما يليق نشره هنا .
الاعضاء راح ياخذون عني فكرة سيئة .. وبالذات من يتعلق الأمر بالاستغفال ،، آني مو مغفل ولا اتقشمر بسهولة ،، بس سويتها انسانية ، وتوقعت البنت فعلاً محتاجة رصيد ..
اذا تتذكر آني اتفقت وياك انو ماتنشر المقلب بالدرر ابد ،، واذا نشرته راح اقطع علاقتي بيك نهائياً ،، واعتقد هي انتهت فعلاً ،،
واعتقد بعد ماكو فايده من حذف المشاركة ، لان شافوها الاعضاء ، ورسموا في مخيلتهم الصورة الي ردت توصلها .

مثل رأيي...اني هم شفت تصرفك انسانية وشهامة
بنية طلبت منك شي انت تقدر عليه فاكيد مو من الذوق تردها وتخجلها
اما فقار فيتصيد بالماء العكر وهاي مقالبك فد يوم تصير ضدك

[Mohammed K.F]

كان من المفروض ان اذكر هذا التحديث منذ البداية
تحديث :
هدف الموضوع هو رسم البسمة على شفاهكم من خلال مواقف طريفة نتعرض لها او يقع بها الاخرون. ولا نريد بسبب الموضوع ان تكون هناك اي ضغينة بين الاصدقاء من الدرر.
رجاءا وليس امرا اي مقلب او موقف يكون ضحيته احد الدرر ويُمكن أن يعرض الاعضاء لمواقف محرجة أن لا يتم نشرها الا بعد موافقة العضو بشكل قاطع من قبيل كتابة ( أقبل أن تنشر المقلب).