مقهى الشياطين
مقهى الشياطين
أصابيعي سُفن من ڪاغد النعناع
سُفن ضوئيه
يا هذا الرحيق المشتري من نوم
نسائم من حنايا الگاع
شفت ظهرك
جامة ماي ألذ من الفجر خيطين...
و أجمل من صباح الخير
حيل هواي
و أصابيعي بِدَت تبحر
مشت ممشه الصخر ع الغيم
ما تملك وجه للراي
أخذها الشوگ
و إفتر ع ظَهَر
فرة الخمس فلوس
لذيذه الطاحت بهيداي
جست شعرك جست روحي
شعرك يسكي برد الگاع
وفَر حنه و ذهب أبيض
مثل كارون واكف ع إيشان إيشان
دفو ظهرك جزر للنوم
لا يا الله نوم يمص نعاس النوم
أقبّل كل مسامه تريد
تتشلبه الخلود و تنتفض للبوس
لا يعلو ع صوت البوس غير البوس
مواسم شوف
يزهر شوفها من الشوف
مثل مقهى الشياطين الحزينه
تريد رشفة طين
و شامه الـــ بالــظهر يشربها هذا الطين
و آنه بصفنة كهف
أنزل نزول الغيث و اتمشاك
ريشه من الضوه كوم افتحلها اغطاك
عاين هاك
فتش عن زوايا الروح
أول نظرتك تلكاك
أدليك بعصور الضوء
و لو بالأحرى أنت هناك
عسنك يا عشك دايم
ظهرك من ينادي شفاي
يا ركضة مطر ع النار
اوصل ليك
و امشيلك مشي النايم
أحبن بيك تندل وين
مُدن ضعفي و سعف روحي
و دكاكيني السحكها الخوف و الكُثبان
أحبن بيك
شامك بالظلام يفور
مُذَّنَب و الحرير البي
كِلَل للـنوم
هنيئا نامت البُلدان أحبن بيك
غنج شامي و لُطف تَالَه
و فَيّ بُستان
و اصيرلك اغزَيّل نوم
من يحچي النكت
و يضحك الصبيان
شامك يا ظَهَرنَص صوفي للحلاج
جننّي أنحاء البيك
شفه و مايعه ع العاج
ظَهَر ما يشبه الحلاج
أحمد العامري
رد مع اقتباس
