ریحة بلم
ریحة بلم
من مشت بیه الثواني
و الوکت رجعتله روحه
گمت أعاین للبعید بعین لهفه
وعله روحي بعین ملگه
من وگفتي شبگة الفرگه إمسحتهه
او ردت أخیط دمعي لاکن....
چان بیه محترگ خیط الشمع
اعله گلبي الطایح إبیر الخریف
إمتدن احبال الربیع
عالورد فرّاشه حطت
طار من عیني الدمع
عالغصن عصفوره مرت
ریشي المکسر نِکته و رفرفت
هاي اول مره اشوفن باب بیتي ینتظرني
إگبلت مفتاح بیدي گام ونطاني الگفل
یا لیالي لیش بهدومي اشم ریحة بلم؟؟؟
ولمن فراشي أنترس روج او صدف؟؟؟
وآنه فتره مانی گاعد یم نهر
او لاني حلمان بمطر
یالیالي هاي الأغنیه التسامرني لعرسمن؟؟؟
یالیالي عیني باگتلي حلم من؟؟؟
من گمت من یم زماني و یم المرایه رحت
اعرفت منتي بعیده
او للگلب کلش جریبه
قاسم المعاوي
رد مع اقتباس
