شعر شعبي عراقي عن الوطن
الوطن ياليل
مرحزنك ضوه بحزني
رازونت اضوه مامش بجسمك روح
كلتلك وين
اجيت وما شفت روحك
يلمسافر بمايك لااضوه ولاطول
كلتلك وين
يل مامش حمد فزز قطار اليل
يل مامش واطن يشعل شموع اليل
كلتلك وين
ولك ياروح هلبت ينفتح حلمك
هلبت ينفتح حلمك واغني عيونك ولايه
هلبت كل وطن مفتوح بلكت ينفتح مايه
كافي اسير بحزنك
حزن موجود بعيوني
بجيت اشكد لك بيه
ولاغاب الضوه مره ع يجرف الماي
ياوحشة حلم بالغربه مامش راي
رحت ياغربت الوحشه.
ترد غيمه حزن فركه
ترد ياريح يابيبان ياخذني فرد شبكه
ياخذني عليك بكل ضوه بحزنك
مغيم ياحزن كلبي
ألف دمعة حزن ياليل
واوصلك ولااشوفك
ولااشوفك خيال اتشلبه البيبان
ولاكدر اغنيلك عتب ياليل
ولك ياليل
تون ياروح غنيلك حزن ياليل
اضويلك عيوني بليل لمرايه
يمرايت شمس ردنه .
يمرايت واطن ردنه
فزيت الحلم يتلمس الحيطان
فزيت الوطن يتلملم الكيعان
ياريت الحلم يرجع
ياريت الوطن يرجع
ضواك تبخر ابلا ماي
وعلى عيونك واطن غربه
سولفلك حلم روحي وجروح الشعب تربه
بقو بس ليصلولك خيالك سير بدربه
ولاحلمك يغني وتفزز بروحي
ولك يالطيف .
من اتخيل اطيوفك
ترد اجروحك امرايه
ترد جروحك بمرسال الحجايه
وافيلك خيال اغروب
ولك ياليل
تون ياروح هود ياجرح ياليل
.ترد وبليل بغدادك
رسول الساعدي
رد مع اقتباس
