ليـش شما ورد طگيت...وحدي اذبـل
أخـذني..من التـ؏ـب للفـي
أخـذني..و خـل أ؏ـيش إنسان
هـاي الوادم تغثنـي..
زتـوني ا؏ـله كل سرداب
مـا چني مثلهم حـي !
و آنـه بغربتي وخوفـي
إذا مرني رسم طاريك
افـزلهم بخور و ضـيْ
و أگللهم بـ؏ـد شكتبله..ويردنـي
و أرجـ؏ من جديد اسـأل..
ليـش شما ورد طگيت...وحدي اذبـل
و كاسـرت الـ؏ـتب بالطيش
خـاف من الـ؏ـتب تزعل
يلچمنـي النشد...والبوب تلچمنـي
و امنيتـي من ارد متـ؏ـوب
حمـام بكل ضريح الگاك تنطرنـي
و اگـلك يا تنين الروح
شنهي الـ؏ـطلك ؏ـني..؟
شنهي البدل ضنونك
و رسم غيري ؏ـلى ؏ـيونك
و حـزن ؏ـيونك مغليك
و مچـمل سمار الطيـن
لا ميت و ارد انـ؏ـاك
ولا محسوب ؏ الـ؏ـدلين
گتـلك ريض بممشاك
شـيرده الـ؏ـمر لو فـات
مـن ؏ـفت الرسايل ذيج
التـ؏ـب بـ اسمي لگيته يبات
و انـت بـ كلشي باقي وياي
لا باب واسدك واختل بروحي
و اخلـص من يمر طاريـك
ولا شمـ؏ـه و اهبّن ريح حتى اطفيـك
ولا غالي و أرد بـ؏ـزاز روحي اشريـك
كافـي تـ؏ـيل..
كافـي شما يهب الريح
گذلـه تميل..
كافـي ترخص بحزنـي
لا ماخذني من الناس
لا من حزني ماخذنـي
لسـه و ما تبت منـك
بـ؏ـدني شما يمر طاريـك
أرد سكران وبحزنه بده يغنـي
م
رد مع اقتباس
