انه ما اغتاظ واحسب لليعيل
ولا اسولف بالسلف عن غايتي
لا ادوّْر عن فصل يشفي الغليل
ولا ابيعن عفّتي بصرمايتي
انه خلگي بطول نخلاتي وطويل
والگطفني بحلگه احط رطبايتي
انه شايل مستحه بكبر الشليل
واترك الشايل حقد عد شارتي
هوايه ناس الرفست بنص الدليل
وعاندت روحي وكتمت حچايتي
انه فانوسي شعلاته الهم دليل
واليجيني فراش احطها عبايتي
انه بيرغ عشرتي يرفرف اصيل
يبقه غالي بگد غلاة ولايتي
التايهه الطگتني اعذرها وتشيل
وانفض تراب اليجيني بصايتي
انه ماارجف لوّن مرني الجحيل
بگلبي موگد وانه أدفي براحتي
من اشوف الطايحه عليه وتميل
ارفع ذراعي واردها بهامتي
انه سيف البخت عندي ومو قليل
لو ضعف والله يطگ من ثايتي
حاسدتني الناس چي طيبه الأچيل
واعذر العال واحطله وسادتي
توفيق الصكبان...محبتي لكم
رد مع اقتباس
المشاركة الأصلية كتبت بواسطة ☆Abbas ALiraqi☆
