برج العذراء … البرج الترابي الرقيق الساحر، اصحابه في حالة بحث عن المثالية طول الوقت، يعشقوا الدقة والتفاصيل والترتيب والتفكير العقلاني المنظم، اشخاص يعتمد عليهم وجدعان جدا بيتحملوا اي مسئولية تتحط على اكتافهم، هما مواليد الفترة من 23 اغسطس الى 22 سبتمبر، لونهم المفضل الازرق والرمادي، عشاق للطبيعة والخضرة بس كمان يحبوا الواقعية والبعد عن الخيال .. تعالوا نقرا سوا عن أهم 5 اسباب لجاذبية برج العذراء.
جاذبية برج العذراء
1- الدقة والتحليل:
دي طبيعتهم اللي كتير بيحسدوهم عليها الحب العميق والتقدير الشديد للتفاصيل والدقة في مراقبة التفاصيل دي لدرجة ان تقريبا مافيش تفصيله مهما كانت دقيقة تقدر تعدي عليهم، وده سببه ان هما بيحبوا يعملوا ويشوفوا كل حاجة في صورتها الكاملة والمثالية.
ومش بالساهل على مواليد برج العذراء انهم يعدوا الكلمات والمواقف فمن هنا بتيجي المرحلة التانية وهي تحليل كل شيء، مواليد العذراء بيدوا للمواضيع حجمها وشكلها الحقيقي لأن عقلهم بينقد ويحلل الافكار طول الوقت وده اللي بيخلي عندهم حل وتفسير لأكتر المشاكل المعقدة اللي ممكن يمر بيها اي حد.
2- اذكياء ومثقفين
من اجمل صفات برج العذراء واللي بتخلي اشخاصه فعلا بيتميزوا بجاذبية خاصة هو ذكائهم الخاص اللي بيخليهم شغوفين لمعرفة معلومات جديدة ويخليهم يحبوا يقروا ويطلعوا على افكار ومجالات جديدة عشان كده دايما تلاقيهم في حالة دائمة من تطوير نفسهم ومحاولة تزويد معلوماتهم العامة في كتير من المجالات.
3- واقعيين وعمليين
اما الصفة دي فهي الصفة اللي بتخلي اشخاص برج العذراء في جانب القوة بشكل دائم وهي حبهم للواقع وبعدهم عن الحياة في دنيا الاحلام والخيالات، لأن دايما اصحاب برج العذراء يفوقوا نفسهم للحقيقة ويحبوا يقفوا على ارض الواقع الصلبة اثناء تفكيرهم واتخاذهم للقرارت وده سبب كبير من اسباب جاذبيتهم الخاصة.
4- جدعان ويعتمد عليهم:
أصحاب برج العذراء معروفين انهم جدعان جدا, بهدؤهم وعقلهم الذكي التحليلي بيقدروا يكسبوا ثقه اصحابهم والناس اللي حواليهم, طبيعتهم الحساسة وشخصيتهم العملية مع بعض بيجتمعوا في صورة أحسن صديق ممكن يدي مشورة هايلة لما حد بيحتاج ليه. العذراء بيكون موجود ديما جنب اصحابة في كل اوقات حياتهم المهمة زي نجاحهم, حزنهم ومشاكلهم, أفراحهم, اعياد ميلادهم أو اعياد ميلاد ولادهم مثلا … وعمره ما بيتأخر عليهم في أي طلب أو مساعدة, وهتلاقيه دايما موجود وبيهتم بكل التفاصيل الدقيقة الأخيرة اللي ممكن ميكونش فيه حد غيره واخد باله منها أو ملاحظها.
5- التواضع والهدوء:
بالرغم من انهم غالبا بيكونوا متفوقين ومتميزين جدا في عملهم وشغلهم ودراستهم، وبالرغم من كل انجازاتهم في حل المشاكل المعقدة والقدرة الرهيبة على تحملهم لمسئولية نفسهم ومسئولية غيرهم الا انه من الصعب جدا انك تلاقي حد من مواليد برج العذراء بيتباهى بإنجازاته ونجاحاته بالعكس هما دايما متواضعين ويحبوا العمل في هدوء بعيد عن الزهو والتفاخر، وجبنالكم اسماء اهم مشاهير العذراء عشان تتعرفوا بنفسكم على مدى تميز وجاذبية البرج ده:
- كاظم الساهر
- اجاثا كريستي
- فؤاد المهندس
- شون كونري
- ريتشارد جير
- كاميرون دياز
- سلمى حايك
- جريتا جاربو
- مايكل جاكسون
- رجاء الجداوي
- هشام عباس
- رونالدو
- وائل كفوري
- ذكرى
- عامر منيب
- مريم فخر الدين
- ريهام عبد الغفور
- هيو جرانت
- كلوديا شيفر
- شانايا توين
- يوسف الخال
برج العذراء من الابراج الواقعية العملية ومع ذلك فمواليد العذراء حساسين جدا يحبوا الطبيعة والحيوانات، ولو في حياتك شخص من مواليد برج العذراء فخليك عارف ان في حياتك شخص جدع تقدر تعتمد عليه بس اوعى تيجي عليه او تحسسه بعدم الاهتمام لأنهم من الشخصيات الحساسة اللي بتهتم برأي الاخر فيها.
رد مع اقتباس
