الرجل العملي الدقيق المتفاني في كل حاجة بيعملها رجل برج العذراء، عرفنا قبل كده ايه موصفات شخصيته وطبيعتها وكمان اتعرفنا على عيوبه، والنهاردة بقى بنات حوا جايبالكم افكار للهدايا اللي ممكن تناسبهم بناء على الصفات دي شوفوا معانا الموضوع ده واتعرفوا على انسب هدايا لرجل برج العذراء.
افكارهدايا لرجل برج العذراء
الالكترونيات:
رجل برج العذراء عملي بطبعه ويحب جدا انه يطلع على احدث تكنولوجيا وانه يقتني احدث الموديلات من الاجهزة الالكترونية، يعني ممكن تجيبيله ايفون او ايباد او موبايل من الماركة اللي بيفضلها وممكن كمان اجهزة قراءة الكتب او غيرها من الالكترونيات، ولو كنتي مش واثقة اوي ان الهدية حتعجبه يبقى ممكن تجيبيله كوبون شراء من محل الكترونيات وهو يختار الموديل والماركة المناسبين له.
الالكترونيات
منظم للمكتب:
الطبيعة المنظمة والدقيقة العاشقة للتفاصيل اللي بتميز مواليد العذراء بتخلي الهدية دي من اكتر الهدايا المناسبة لرجل برج العذراء، يعنب مثلا ممكن تختاري له مجموعة للمكتب فيها اماكن مختلفة للنتيجة والكروت الشخصية والاقلام ورق النوت وغيرها من الادوات اللي تساعده على تنظيم مكتبه وافكاره وشغله، اختاري المجموعة اللي تناسب لون ومساحة مكتبه وقدميها بطريقة مناسبة
منظم للمكتب
الالعاب والترفيه:
رجل برج العذراء بيهتم بالتفاصيل جدا وعنده قدرة عالية على التركيز وكمان يحب ينهي اي موضوع بشكل مثالي وعشان كده الالعاب بتكون من اكتر الهدايا المبهجة والمفرحة لرجل برج العذراء، ممكن مثلا يحب شطرنج شيك او بازل معقد شوية، العاب التحدي زي منوبولي واونو وسكرابل او حتى الطاولة والدومينو او العاب الكترونية زي البلاي ستيشن والاكس بوكس.
الالعاب والترفيه
الكتب:
رجل برج العذراء غالبا حتلاقيه بيحب الاطلاع والقراء دايما يحب يطلع على الجديد ويزود من معلوماته العامة من معرفتك بيه تقدري تحددي مين هما الكتاب اللي بيحبهم او ايه هو المجال اللي بيحب يقرا فيه، يعني ممكن تجيبيله موسوعة للمعلومات العامة او المجموعة الكاملة لأحد الكتاب او ممكن تشتري بون شراء من مكتبة كبيرة وتسيبيه هو يختار الكتب اللي تعجبه بنفسه.
الكتب
الاجهزة الرياضية:
مواليد برج العذراء بشكل عام بيهتموا بصحتهم وبيفكروا جدا في كل وجع او الم بيحسوا بيه كمان بيحبوا يحافظوا على مظهرهم بشكل كبير، عشان كده الاجهزة الرياضية اللي تخليهم يحافظوا على مظهرهم وصحتهم بتكون هدية مناسبة جدا، يعني مثلا مشاية رياضية او عجلة او دامبلز او غيرها من الاجهزة اللي تساعده على الاهتمام بصحته حتبقى هدية جميلة جدا لرجل برج العذراء
الاجهزة الرياضية
الزرع او الحيوانات:
دي كمان من الهدايا المناسبة لمواليد برج العذراء، من المعروف ان مواليد العذراء بيحبوا الطبيعة وكمان بيحبوا يهتموا بغيرهم ويراعوا تفاصيلهم عشان كده نبات نادر او زرع منزلي او حيوان اليف قطة او كلب او طيور او اسماك اي نوع من الكائنات الاليفة يقدر يراعيه ويهتم بيه حتكون هدية مناسبة جدا بس لازم تعرفي ذوقه الاول قبل ما تختاري النوع المناسب.
الزرع او الحيوانات
طبعا افكار الهدايا دي بتحدد بناء على طبيعة شخصية مواليد برج العذراء لكن كمان ماتنيسش تختاري هديتك على حسب معرفتك بطبع الشخص اللي بتقدميهاله، واهم من ده اختاري طريقة مبتكرة ومميزة في تقديمها عشان اسلوب تقديم الهدية احيانا بيكون اهم من الهدية نفسها.
رد مع اقتباس
