وانه هم مشتاگلج بس صعبه اجيچ
وانه هم مشتاگلج بس صعبه اجيچ
كلشي صار بروحي .. صاير من اديچ
صورتچ دفتني بس چفي رجف
دمعي من گد ما يسولف هم نشف
انتي وحرورة حرگتي شلونكم
عيون ماعندي وعشگت عيونكم
خلصت القصه الگصيره .. وراحت
هي دمعه .. وماترد لو طاحت
مشتاگلهه
ومامش طارش
مامش كحله تسير بينه
ودمعي بعيني
مبسط روحه
وگاعد فارش
سيرتلهه بهمي الخايف
بچلماتي الماعدهه شفايف
گالت خايف ؟
گتلهه اليعشگ من عقله
مو مثل الماشاف وشايف
گالت شايف ؟
گتلهه الدنيه عله عيونچ
لبست خاتم
گالت وانت ؟
گتلهه
انه من اول نظره
من حبيتج
عاذر ادم
گالت سولف
گتلهه من اكبل لعيونج
البس ثوب الكمره وساده
گالت احجي ..
گتلهه اليكتل بالعاشگ
سولة دمعه وحس عناده
گالتلي اتمنالك شغله
گتلهه
البرنو من يرمي
الطگ يصير عله زناده
گالت يعني ؟
گتلهه امنيتي اتمددلج
ولفي شعرج كلي وساده
خجلت لکن صارت ورده ..
گتلهه المايعرف بالحب
مايتٌچوه بطاري الشبگه
گالتلتي اترخص هسه اني
گتلهه وياج انه امشيني
گالت يعني ؟
گتلهه
بدربج صم نورس
وگليبي اليمسحلج دربچ
كالت هلگد مهتم بيه ؟
باوعتلهه وعيني التجدح
گالت اسكت ..!
گتلهه الرابي بكل نخله
يعرف قيمتهه البرحيه
عبدالله العبدلي
رد مع اقتباس
