اكتشف متعه السياحة في اوكرانيا وتعرف علي تفاصيل كل شئ يخص السفر اليها
تعرف علي كل المعلومات التى تحتاجها اذا كنت تنوي السفر الي اوكرانيا بدايةً من الفيزا وخطوات استخراجها واسعار تذاكر الطيران واللغه والعملة فى اوكرانيا واشهر المدن والوجهات السياحية بها بالتفصيل
اوكرانيا من اجمل البلاد في اوروبا ومن أكبر الدول في العالم هتسمع كلام كتير عنها غريب اللي يقولك دي فيها حرب واللي يقولك دي بلد مش حلوه , سيبك من كل الكلام ده ولو ناوي تسافر لها خد الخطوة دي وهتروح هناك هتتصدم من جمالها وجمال شعبها
الفيزا سهله مش صعبه بيحتاجوا حد ادني ٢٠ الف في البنك
والسفاره بتديلك الفيزا علي حسب ميعاد طيارتك قريب ولا بعيد لو كان ميعاد طيارتك قريب بيدوك الفيزا مستعجل بس بتكون اغلي شويه
البلد رخيصه جدا وأوكرانيا مصنفه من أرخص الدول في العالم وهنكلمك في مقالنا عن كل المعلومات اللي هتحتاجها لو بتفكر تسافر اوكرانيا بالتفصيل :
اولا فيزا اوكرانيا :
المستندات المطلوبة لطلب تأشيرة أوكرانيا
- نموذج موقع لطلب التأشيرة.
- جواز السفر ساري بحد ادني لمدة 3 اشهر من تاريخ العودة / وثيقة سفر سارية لمقدم الطلب
- 1 صورة حديثة لمقدم الطلب مقاسها (35 × 45 ملم) لا تتعدي ستة أشهر.
- الوثائق الخاصة بالإقامة الغير سياحية او تصاريح إقامة سارية غير سياحية أو ما يعادلها (في حالة أذا كان المتقدمون مقيمون في بلد غير موطنهم الاصل أو حاملي جنسية غير جنسيتهم أيضا )
- إثبات أن مقدم الطلب حامل ( يحق له الاستفادة من) لوثيقة تأمين صحي او طبي سارية المفعول لتغطية فترة السفر في أوكرانيا وفترة الإقامة (ينبغي أن يكون الحد الأدنى للتغطية هي 000 30 يورو أو ما يساويها)
- الإثبات المالية التي تغطي فترة السفر(على سبيل المثال كشف حساب بنكي لأخر ثلاثة اشهر و يكون المبلغ المتواجد متاح الهريفنيا (العملة الرسمية في أوكرانيا) أو ما يساويها و أيضا بيانات البطاقات المصرفية والتي توضح الرصيد الحالي أو حساب توفير . و يتم
صرف البطاقات المصرفية في الفنادق في أوكرانيا لحجز الإقامة و رسالة من صاحب العمل أو الراعي مقدم الطلب و التي تؤكد التغطية لنفقات مقدم الطلب في أوكرانيا).
- إثبات أن الغرض الرئيسي من السفر إلى أوكرانيا هو السياحة (عن طريق حجز الفندق أو مكان الإقامة مع تقديم خطاب مختوم من الفندق بتأكيد الحجز و برنامج السفر للرحلة المخطط لها و معلومات عن الجولة السياحية و الإطارات الزمنية و تفاصيل الوكالة
السياحية و بيانات التحويل و معلومات عن المعالم السياحية التي سيتم زيارتها).
- يرجى ملاحظة أنه قد يطلب من مقدم الطلب وثائق إضافية من قبل موظفي قسم التأشيرات الأوكرانية (على سبيل المثال حجز تذاكر الطيران للعودة و الوثائق الاخرى التي تؤكد ظروف المتقدمين (يتم تحديدها من قبل موظفو التأشيرات الأوكرانيون في السفارة أو القنصلية العامة )
ثانيا عملة أوكرانيا :
العملة: هريفنا ( ١ دولار = ٢٨ جريفن)
ثالثا لغة أوكرانيا :
- اللغة : روسية، اوكرانية قليل ما تلاقي ناس بتتكلم انجليزي
رابعاً المواصلات :
- المواصلات يأما مترو او تاكسي او باص او ترام
المواصلات هناك رخيصه جدا واغلب المدن فيها قطار داخلي (ترام ) بــ ٤ جريفن بتلف كل المدينه ، بالعاصمة كييف موجود أعمق محطه مترو في العالم (ارسنالنا) ١٠٥ متر تحت الأرض
وفي كمان عندهم اوبر بيكون ارخص من التاكسي بتكتب الوجهة اللي عايز تروحها وبيحددلك التكلفة
خامساً الاكل:
في اغلب المدن الكبيرة مطاعم عربية ، و في مطاعم اوكرانية، ايطالية، مكسيكية، يابانية... اللي بيحب يجرب اكل جديد هيلاقي كل اللي نفسه فيه وبأسعار رخيصة.
ممكن اكلك ف الْيَوْمَ الواحد ميعديش ٢٥ دولار فطار غدا عشا ده لو انتبتحب تدلع نفسك وفي نفس الوقت ممكن ميعديش ١٠ دولار فطار غدا عشا برده
سادسا الوقت الانسب للسفر الي أوكرانيا :
أوكرانيا ملهاش وقت معين نقدر نحدد من خلاله لان كل فصل هناك لي مميزاته لكن في العموم الاوقات اللي بيكون فيها درجة الحرارة متوسطة هى الفترة ما بين شهر 4 وحتى شهر 11 .
سابعا اسعار تذاكر الطيران الي أوكرانيا :
الطيران ممكن يكلفك في المتوسط حوالي 7000 جنيه حاول تحجز قبلها بفترة كويسه ، والخطوط التركية كويسه وبتعمل ترانزيت في اسطنبول اما بالنسبة للخطوط الاوكرانية ف بيكون سعرها اقل شويه وفى الغالب مبيبقاش في ترانزيت بس كل حاجة على الطيارة
بفلوس يعنى لو شربت كوفي او شاى المضيفة هتقولك 2 دولار .
اشهر الوجهات والمدن في أوكرانيا
في اربع مدن في أوكرانيا الاربعة مختلفين جدا عن بعض
Lviv:
ودي مدينه جميله جدا البيوت الشوارع والكنائس شكلها تحفه والمدينه دي علي حدود بولندا فهي شبه جدا بولندا حته هتلاقي فيها بولنديين كتير
- اللغه في المدينه دي أوكراني - روسي - بولندي
Kiev:
العاصمة وهي مدينه كبيره جدا فيها كل حاجه سفارات وشغل وفيها عرب و كييف مشهورة بنفق شهير اسمه نفق الحب
Kharkov:
وموجودة علي حدود روسيا فيها الكليات كلها ، اي حد بيدرس هيبقي هناك
Odessa :
وتقع مدينة على الساحل وتعتبر جميلة جدا للمصيف
معلومات تهمك قبل السفر الي اوكرانيا :
-الحياة في أوكرانيا رخيصة نوعا ما (150-200 دولار تكفيك معيشة - أكل و تنقلات - في رحلتك ) بس بردو علي حسب المدينة اللي انت فيها وحسب اختيارك لنوع الاقامة
-أغلى المدن (كييف, وأوديسا)
-الجو هناك متقلب 80% من السنة , يعني ممكن تلاقي تغيرات في درجات الحرارة توصل ل 10- 15 درجة في يومين
-الشتاء هناك متوسط درجة الحرارة فيه (-10) (-20) و الصيف متقلب أكتر كمان و درجة الحرارة بتلعب فيه بين 25 و 15
رد مع اقتباس
٠
