يا مسيت الشّوگ و الحبّ و الحنان
يا مسيت الشّوگ و الحبّ و الحنان
ها! يَ عافيتي؛ يَ طَيْبه؛ ٱشْ لونچ؟
وْ روحي و عْيوني و حياتي و عمري ذاك
فدوه يرحن من أشوف عْيونچ
الْ چان ميّت، هسّه ميّت بس عليچ!
وين ما ينطي الوجه، شافچ فرح
وين ما يمشي بْدرب، رسمچ يجي
ٱشْ ما يضوج، بْشوفتچ گلبه ٱنشرح
هوَّ هذا الْ مِنْ صدگ يتسمّىٰ شوگ
هيَّ هاي الْ تستحق تنحب صدگ
هيَّ هاي الْ تستحق تطّيها روح
هيَّ هاي الْ مِنْ صدگ مالة(ت) شبگ
إي وداعة(ت) شيبة(ت) الوالد هذيج
من عرفتچ، ما شفت ضيجة(ت) خلگ!
و ٱنتِ نخله وْ طيْب جمّارچ لذيذ
مِنْ جِعِت، صرتيلي جمّاره و عثگ!
م
رد مع اقتباس
