مختلفة الاصابع رغم وحدة الايــد
ولا يشبه الهيثم طبعه فرخ البط

عليّ تدني الدنيه ولا أجيـت اريـد
مثل صبر الجرف ما أثگل إعلى الشط

تسولف بالمعالي وانته تحت الكَاع
وجدمي إعلى القمم ~ ما شفته لمن حط ؟

وتسولف علـ الوفى يا مضيّع الناموس
وعلى ظهور الفقاره سّمّك مسلط

يا جاه العليه جاي كاشخ بيه ؟؟
وعليه الجاه جايب وكَعه يتوسط

جيش من الشوارب للمجد زفيت
وقبل لا كَماط تلبس لابس مرقط

ومن مال الزمن ما ملت انا وياه
ومن حضي عكس ~ ما صرت انا مُحبط

كاش من العمر دافع ثمن چلمات
ولأن عندي مبادئ طالب القسط

ولأن بيضاء اديه ~ تبين بكل ليل
لا فرهود شافت ~ لا تعرف تلهط


ما عندي مضارب للردايا ودين
ولا كَربه التلمني وياهم أبداً قط

ولا خوّة التحدني وياهم ولا عوز
ولا يوم لصحنهم جنت انا مكَلط

تذّرت كل سنينك في مهب الريح
وإنته البعدك إنته ، تلهث وتفحط

غارس غرسك بكره وحسد واحقاد
تبقى ولشوكت باغلالك محنط

دسّمت الشوارب بالسخا والطيب
وخليت الخُـلگ لاهل الشرف مهبط

ومن وازيتني عفيت اسولف بيك
شجاب ابن الاصول لواحد ملطلط