اللي قاسمته آني كل شي فرحتي وهمي وعناي
صار يستنكف وجودي واسمعه يحجي بكَـُفاي
وجاب غيري في مكاني قبل لا يخلص عزاي
صار صدري كهف فارغ راعي ومضيّع الناي
من بروده بصيفي ارجف صيّفت واني بشتاي
اللي غمضته بعيوني بلهفتي ادفه وغطاي
واللي حطيته إعلى راسي واللي سميته هواي
واللي راح واكَفى عني وبعد ما يسمع نداي
جنت اتبعه في مداره ولا ظهر غيره بسماي
حط إلي سيف بـ ركَبتي ولا ثمر عنده وفاي
ومن وكفت اني إعلى حيلي وكمّلت وحدي خُطاي
تعلمت شغلة بحياتي ابد ما اباوع وراي
تعلمت حكمة بحياتي ابد ما اطالع وراي
رد مع اقتباس
المشاركة الأصلية كتبت بواسطة MiSsO
