تسهر وماتدري ليش؟
تسهر وماتدري ليش؟
تضحك وتبچي عله حالك
تسكت وماتدري ليش ؟
سافر بالك لبيبان التودهم باب باب
ونت وحدك گاعد وماتدري ليش ؟
تبچي وحدك !
تحچي وحدك !
ترجع بالك تزت كل التحبهم
ضحكك مبلل دربهم
ثوبك استورح عطرهم ونت وحدك !
وحدك وماتدري ليش ؟
بالك تعيد السوالف بلچت الله وچلمه احبك !
تعيد يومك كله بلچت ضحكه بشفاف التعزه
ادلي عمرك !
تشبر دروب المدينه بخيط دمعك ...
يبدي ليلك يسلب خيوط الفرح شمعه من اصبعك !
يوكف الباكيت يچفيلك قبلة
قبل ما تسجد تخلصه وباقي وحدك !
وحدك وماتدري ليش؟
تبچي اصابيعك نشيد
ينزف هلالك بعيد
يوگع الكل گيض سكته برحي نباعك عبيد
لا اولاية ترسمك فياي لسعفهه
لا برودة خنصر تحزم ضواك
تنشد وماتدري ليش ؟
اليسحگ متونك ضلام تعبره گمره
اليعثر بضهرك صحاري ترده شاطي ايسمي لله
يوكف الدخان شباچ عله عينك
ونت تبچي
وضايع وماتدري ليش ؟
تعبر الناس بسچچ جرحك خناجر
تضحك وحزنك مناير
دمعك بكل شضه يمطر
گلبك ايشگ سدرك عله الاخ ينطر
تهجر الناس وسفرهه
تختلي بحيطانك البايت عمرهه
ونت هوسه براسك وماتدري ليش؟
تفگد وجوه المدينة تريد وجهك
تقره بدروب الحزينه تريد دربك
تچفي صوت تريد صوتك !
تزكي طول اتريد طولك !
تتعب وماتدري ليش
تصفن الروحك غريب !
تصفن الجرحك حبيب !
تچهب السكته تخاف !
تچهب الوحده تخاف !
تچهب الليل وكمرة وكل نواعيهه وتخاف !
خايف وماتدري ليش ؟
تنعس وجرحك يندهك تشكي منه !
تريد تغفى وگلبك يهزك بعدلك ونت ميت !
تمشي لعيون التغثك عينك اسبگ ندارة !
تندهه رموشك درب خافا يجي طيف عله شاره !
فراشك الشارب صلاتك من تفرشه يطيح لونك
توكف عله فراشك تغني شتريد
صافن وماتدري ليش؟
جسمك اتلمه عله گد حزنك جكاره
الچرچف تمده عله طولك مدة ازناد عله ناره
اعله المخده تجدح عيونك دمعهه
تورث وفنك تنام !
ماتنام !!!
يبدي صبحك
تغسل بوجهك صور وترد حزين !
تنكث جيوبك يغنيك الرصيف !
ونت تحچي بحزنك وماتدري ليش؟
عود ليش ؟
وعود ليش ؟
انت حزين !
تنشد ومحد يذكرك !
تنشد ومحد يسمعك !
ونت وحدك !
عود ليش الرافگ عيونك بواچي.
ضايع اباب نهر ؟
عود ليش الباگ گلبك
واكف بعينك سهر ؟
عود ليش الناس يتبختر حزنه
ونت بس حزنك رخيص؟
ونت لسه بدمعك وماتدري ليش ؟ ؟ ؟ ؟
م
رد مع اقتباس
.
