هنا

[¥محبوب$القلوب¥]

يهنياله اليجيك وتجري دمعاته
وحگ زينب يرد ماهنّه لوعاته
*****
وحگ زينب قسم اقسم وأنه المسؤول
يبو السجاد عشگك ابد مو معقول
دخلها اعداك عنّا اشماتريد اتگول
عشگك بالدمه مرافگ كريّاته
******
يبو ذاك المضيف الكلها تندلّه
وياراعي الصواني وصاحب الدلّه
چريم الگاصدك شتريد متگلّه
تدريبه اشيريد وتگضي حاجاته
******
يالمدلِّل الضيف سنين موش ايام
اغله من الملائك عندك الخدام
ماينلام عابس بيك ماينلام
من حگه يجنّ ويشگ هدماته
*****
يبن اللي تصدّق حته بركوعه
واسه المعوز بحسراته ودموعه
منو المثلك ويچرم حته بضلوعه
لعد خيل الاعادي وحمل سحگاته
********
يبيت الله الچبير اليلم كل الناس
مهي الكعبه بضريحك ابد ماتنقاس
من حيث اليعزّب عندك العباس
يتلگَّه اليجي لك زاير ابذاته
******
يبو السفره الطويله الما طواها بيوم
تنطي هدوم وانته امسلّبيك هدوم
مندوم اليفارگ خدمتك مندوم
الله يحرِّم اعليه عطر جناته
*********
يالصحنك صبح مستشفى للمرضه
يقين الله يرضه اعليه اذا ترضه
حته الشين عندك ابد مترفضه
هوَّه الشين بيدك تمحي زلاته
********
كل اللي يجيك ودمعته بعينه
ويون والسانه يلهج دوم بحسينه
بس الله اليعرف اشبينك وبينه
وبس الله اليفسّر ذيچ صرخاته
*********
خادم الحسين ع
سيد غالب الرضوي الكربلائي

# محرم 1442 هجرية

[فقار الكرخي]

عاشت ايدك

[الشاعر هاني حماده]

جزاك الله خير الجزاء

[¥محبوب$القلوب¥]

عاشت ايدك

وايدك عزيزيد