هالمره احسك عالبعد تجبرني ! جديد ٢٠٢٠ الشاعر محمد الطالقاني قصيدة اعتذر
لازلتُ اؤمنُ بالوداعِ وأحتضر
كي لااحبكَ بالضمير المستتر
والحُب إما بالخواتم يكتمل!
أو ينتهي شوقاً وموتاً مستمر
هي أعلى ما بالحزنِ دمعهُ عاشقٍ
نزلت إليكَ بإبتسامةِ منكسر
أو منتهى ألوجع ابتسامهُ عاشقٍ
بعد الفراق دَعى أليك لتستقر
جُنديُ جُرحّي قد يقاتل مُهجتي
وجُيوشُ شوقك حينَ أغفو تنتصر
وهنا استمر الدمع، كي لااستمر
فأنا إليك ومنك حباً اعتذر
الله يساعد گلبي ويصبرني!
هاي المواقف مامحسبلها احساب
شايلها من بالي انت تتعذرني
وكل ضني مثل المضن، يگضن بأسبوع
ماحاسب حساب الاذيه تمرني
المشكله ماجاي احسك زعلان
هالمره احسك عالبعد تجبرني
يوميه تكسر خاطري وتكسرني!
ويوميه تخسر نفسك وتخسرني!
لو تدري بيه شگد حچي ماينگال
يوگف بشفتي، واسكت ويعبرني
تمنيت اعاتب والدمع ينزل چان
وچان البرود البالرسايل دخان
الله يوجهي شگد طلع بيك اللوان
بهاللحظه حسيتك صدك تعنيلي
تهدمت وانا امتون مابانيلي
چنت إعله زعلك قبل ماانام الليل
هالمره فرگه شلون بيه احچيلي؟
يا نجمه باچر بيها يعثر ليلي؟
وك يامخده تلم دمعتي وحيلي؟
اي وانت رايح ماتريد ابقى وياك
شيهمني اذا ماتدعي لو تدعيلي
ليش الوكت بچاني عاليبچيلي؟
َوخلاني اسولف ضيمي لليشكيلي
والله ولاادري اعتذر لو اعذرك!
ماتدري حتى أبالي حافظ عطرك
ومو مال أخسرك حتى اضل اتذكرك
تهدأ الدنيا بگلبي بس اتلوه
والگه الدمع چي صدمه ينزل گوه
َمو واعدتني نكمل الأحلام احلام
خليتني اسأل هو لو مو هو
جا هو هذا الراح يمك فدوه؟
العاشلك بالمرّه قبل الحلوه!
الچان يخلق درب للضحكه وياك!
ليش اختصرت الجرح يمه بخطوه؟
خليته من كل كتر طايحله بآاخ
والتكتل ولا روحتك ذني أشوه
ومو أي جرح يلجمني واتماشه ويا
انا اليضل يوجعني بس اليسوه
اااه يابرودك لو تعرف شسوه!
هالمره مو غصباً عليك تهدني
ولا هيه زعله وتگعد تعاندني
عالاقل لو بغيابك معودني
المهم:- آسف طولت بس مخنووگ
ومو سهله باچر من يحاچيني الشوگ
والماله موطن دمه منفي بلاگاع
حتى الضمير بداخله يحس مبيوگ
حبيتك بهالمستوى وصرت وياك
والفوگ لازم يحب واحد من فوگ
....ماضن نرجع سوه
بس لاتحب ثاني
ولاتنطي روحك ترا مو اي بشر اني
باچر اذا زعلك ماراح تلگاني
ماتلگه مثلي يهدلك الحيل
نعسان بس يسهرلك الليل
يعتذر منك وانت غلطان
ومن يغثك دوم زعلان
بالمختصر لاتحب....
رد مع اقتباس
المشاركة الأصلية كتبت بواسطة ألـــيــــنــآ
