هنا

[فقار الكرخي]

يبرحية نخل روحي..شبعد تتنين..
كﻻني الشيب
وانه بعازتج نزوه

واذا مو صوتج ..بيا صوت..
اذاني تلوج تريد الحانج الحلوه

براري بعينج يريدن غصن بي حيل
مريلي ..
وعلي بممشاج كمت اسمع رجيف الريل

اريدن اب ادخلنه عله نص تموز..واطشر كل نده بروحي..ونضل نتسامر بفيروز

يشباج العشك فتحيه..ماﻻكت اله البرده
هي التوبه هم تصير بيهه مجان للرده

اضل ليمته امرن بيج بطيوفي
واحط فوك الحلم كصبات
ويكود بدمعي بس الناي

تعاليلي وياي

الكصيبه الما تمرهه جفوف..تنذر للمكص خصله
العين المايمرهه الشوك..تصير بلون كل وصله

وشبعد تتنين كربيلي
بخضار الياس
يا مرزي ويهيل السالفه المر بيهه اثر طرواج
ترجع ناكعه بحسج

يمن من طين..جا هذه العسل بشفاج
شنهي مصنع بفچچ








عبدالله العبدلي

[Yaman]

احسنت عزيزي

[انثى مخمليةة]

يسلموو فقار