صح اعتب جبتها شبيدي غير اعتب
بالله بغيرتك عود انته هم تحب؟
تعرفه الحب شنو؟اشرحلي واني اكتب
ايتعب؟لا وحقك انته التعب
تتحجج علي مافتهم شتريد
تزعل تختلف وبسالفه تجلب
الحب تضحيه وانت شوكت ضحيت؟
من يومك ادور حار ومكسب
احتاجك اريدك يمي ما الكاك
وين التضحيات؟ اتصدك اتجذب
قاطعتك اعذرني استمر ياطيب
الحب اهتمام ونفرض اهتميت
ساعه ومن بعده الوضع مايعجب
لمن تروئ مني اتذبني ذب وتروح
عمي اني بشر مو طاسه مالت حب
لاتاخذ بالك كمل حبيب
الحب اشتياق اسمحلي يلمشتاك
نزلت دمعتك سهران متعذب
علئ طاري السهر انه الشربت الليل
وحظرتك قفلت من اذان المغرب
الحب بالخلايا ويجري بالشريان
اي فعلا فديته اليفتهم بالطب
ماعدك خليه البيها ذره احساس
بيك الذنب كله وماكلت مذنب
اليسمع هذا حجيك صدك يتمناك
كلامك يعجب ودكاتك اتعجب
رد مع اقتباس
المشاركة الأصلية كتبت بواسطة MiSsO
