" انت شسمك؟ شسم ابوك؟
من جاي؟
_اسمي صار بلايه معنى
وماكو داعي انطيك اسم،
واسم ابوي
انباع بالتجنيد مرة
وبالحصار انباع مرة
قبل لا الله يرحمه و ينعدم
" منين جاي؟
_انه من بعيد جاي
جاي من بيت التجاوز
جاي من طين الشوارع
جاي من اخر كرامة انباعت بأول تقاطع
وگبل لا تنتقم مني
اني من نفسي انتقم
"" زين وامك بيضة سمرة!!
_امي كلش بيضة،، امي بلون جف ايدي النظيف
الما عرف رشوة بحياته
وراتب من احزابكم ما مستلم
وسمرة حيل بلون خبزتها وصبرها
بلون تعبي
بلون شعبي...
وما يهم
"" منين جاي ووين رايح
جاي من اول حضارة
وراجع الها بلا هدم
وبلا كرامة
بلا حلم
ويطيح حظ الدنيا يمته؟
من تطيح الزلم بيد المو زلم
عقيل العرد
رد مع اقتباس