ورد من احد شعراء الناصريه هذه ألأبوذيه
حبك نار تلهب منك أبره
واذا من روحي ابره منك ابره
تعال الخيط مني ومنك ابره
نخيط جروحنا ونلتم سويه
وقد رد الشاعر منهل هادي قائلا
ردتك دوم الي مفزع ولحمه
عضم منك ودم منك ولحمه
مني الخيط والابره والحمه
جرحك من سنا ناري السريه
ألأبوذيه التاليه من الشاعر مشكور العايدي من الكوت
يعالي شنزلك للكاع ونصاك
إنغلك باب الفرح فد نوب ونصاك
ون إعله المشو بس كون ون صاك
مو بس إسمه ون وهاي هيه
وقد عقب عليه الشاعر منهل هادي
يراهي شبدلك تعبان و نحيل
وين الغوه وين الفرح ونحيل
بسك لا تجابر بعد ونحيل
مشووانت وراهم بينه اهيه
وقد وردت من الناصريه هذه ألأبوذيه
ابي سايس واحسلهن وياليل
واباري اليفتغر ثغره وياليل
عسعس وضلم جعوده وياليل
تنفس صبح خده وسطع ضيه
وقد اجابها الشاعر منهل هادي على وجه السرعه قائلا
اباري من زغر للخل ولالي
واباري الدر نضم ثغره ولالي
لاله مصلحه بحبي ولالي
خذه الشوك واخذني ولعب بيه
وللشاعر منهل هادي هذه الأبوذيه
احلف للسدركل حلك ما زار
واحلف لسا زيج الثوب مازار
واحلف من ونيني الكلب مازار
و احلف ينلحم من يمر بيه
رد مع اقتباس
المشاركة الأصلية كتبت بواسطة MiSsO
