هنا

[مواطن عراقي]

الساعة بالثنتين ونص بالليل واني وكاعد ادخن
واشرب جاي واصفن بالسكف

خطرت ببالي فكرة

صار 10 سنين سياسيينا ما كدرو يحلون مشكلة كركوك
وصرفو مبالغ طائلة بالمليارات وعلى اغتيالات واستهدافات وتفجيرات كلها رسائل بيناتهم

آني حليت القضية بصفنه وجكاره وكوب جاي معطب

لا دستور ولا مادة 140 ولا جيش وبيشمركة واسايش
ولا تعويضات

الحل الامثل هو :

نطرح كركوك للايجار العالمي
ونأجرها لاي دولة تدفع اكثر بمزاد شفاف وعلني
وكل سنة نتقاسم الارباح مالتها وفق النسب السكانية للمحافظات
وماكو داعي نتخارب بيناتنا
بالاخير احنا كلنا عراقيين

ها شلوني بالله عليكم ؟

[Daleen]

هاي فكرتك ذكرتني بفلم فد مرة شفته من هاني رمزي سوى مزاد علني على مصر.. نأخذ راي الاغلبية ونطرح فكرتك بالبرلمان يجوز تشوف النور على طاولة النقاشات الهزلية للبرلمانيين

[Matilda]

هههههههههههههههههههههههه اكلك هاي كوب جاي المعطب هم يفيد ههههههههههههههههههههه لان بسبب هاي الكوب المعطب اجتك خوش فكرة هههههههههههههههه

[المحامي احمد التميمي]

عفية عليك ابو عبد الله...

[last samurai]

تخبل والله

[صالح الطائي]

خوش حل