افك راسك واشوفن بيه عقل لو طين
تبني بجارك ومتعوبه حيطانك
تخاف من الهوا ابيت الجار
وقطار وبالعرض يدخل لبيبانك
يمهم خادم شيردونك تسويه
وكلمه صار ماتنزل من لسانك
بيمن اشتروك وقنوعك ابيش
وصرت برايهم سيف على خوانك
اقبل عامل بكاعك ولك تنهاب
ولاتقبل مدير بكاع جيرانك
ومثل ما انته خلك راس
كبرت ناسك وصار الوعي موجود
وخاف عليك لا تنداس
ماتنهظم شجره بطكه الحطاب
تره اليهظمهه منها الفاس
عدك بيت بس توالي غير بيوت يافشله
باجر لو متت والله ما يبجون
الجرح مايجوع الغربه يوجع اهله
الكلولك حلو لمن توالي الغير
ماكلولك توالي الوطن احلا
ماكلولك شما تعلئ باجر كاع
هيج سوالف الناعور
لوذيل لاسد لاترضه ما مهيوب
وتشرف الراس لو تبقه بجسم عصفور