ياعبد
ياعبد
مزنة هواهم طولت والمامش يترسك سهر
يا عبد .. خلگگ گصير .. كلوبهم تهوه السفر
ياعبد .. ريل الجزه صافح سچچ صفنتك
ياشريعه الما قرت حزنك عليك
وماتوضت دمعتك
ياعبد .. عوف التذاكر .. لاتسافر للبعيد
ياعبد اضحك سمه الله تريد عيد
انت من كل يا بنفسج ترجع انسان عله طينك
يا عبد خضر هلاهل
دنيتك وحشة مناير
يا عبد ..
بريسمك مايك يريدك
وانت من ترجع تخضر نسمة الصفصاف
فوگ كل فطور ايدك
يا عبد ..
كيضك يروح بغرشه وي زحمة الدخان فوگ
حلمك يطير بسمارك حيل فوگ
وانت تكعد يم سواجي ظنونك وترسم خيالك
طير فوگ
هواي نازل يم حدرهم وانت عالي
ياعبد خضر صفنتك بالنهار .. ارسم هلال
ياعبد .. خضر شمس فوك الليالي
ياعبد .. إي ابقه عالي
كل ظفاير تهوه ايدك ياعبد سرح مواويل
ودك گمر يم رگبه سمره
ياعبد .. عينك سمه الله .. شلون بله تصير حمره
يا عبد مَشِط هواهم .. سرسح بخدك كصايب
يا عبد .. بعدك تخضر من جديد
ويه كل ورده تفتح .. جيدك ينكط هوه الله
يا عبد .. حزنك قصيده ..
ولسه سكرانه الفخاتي ترتل عيونك غصن
ولسه بين عيونك تعيش الرساله
وتقره بس (حِن وانه حن )
م
رد مع اقتباس
