دليل ديكارت .. على وجود الله !!
-ديكارت يكول : اني اذا شكيت بكلشي ، فاكو شي واحد مستحيل اشك بيه ، وهذا الشي هو "شكي" ؛ يعنياني متأكد انو أني شاك ..
-حلو ، كمل ..
-بعدين ديكارت سأل روحه هذا السؤال : زين هذا الشك ، فد شي طاير بالهوه ومااله مكان ومصدر ينوجدبيه ؟ لو اله مصدر ؟
-خوش سؤال !
-فكال : حتما هذا الشك اله مكان ومصدر يجي منه ، وهذا المصدر هو "وجودي" فالشك دليل على كوني"موجود" ، (انا اشك "افكر" ، اذن انا موجود) ..
-ممتاز ، خوش مقدمة ، وبعدين ؟
-بعدين كام يستعرض الأفكار والتصورات الموجودة بعقله ، وبدأ يحاكمهه وحدة وحدة ، ويعزل الصح منههعن الغلط ، ومن هاي التصورات : تصور شي مطلق ولا نهائي ( يعني الله) ..
-كمل ..
-فكال : هذا التصور اللي هو "المطلق" ، " اللانهائي" ، الله" ، هذا التصور غير محدود ، واني عقلي محدود، فمنو اللي جاب هذا التصور (غير المحدود ، المطلق ، الله) وخلاه بعقلي "المحدود" ؟
-اي وشنو جوابه ؟
-كال : مستحيل عقلي يكون هوه سبب وجود هذا التصور عن المطلق ؛ لانو عقلي محدود فمايكدر يتصورشي غير محدود ، اذن فلابد أن يكون سبب وجود هذا التصور بعقلي ، هو وجود كامل ومطلق ولا نهائي ،وهذا الموجود المطلق واللامتناهي هو "الله" ..
-بس "صديقي مهند " اشكل على هذا الاستدلال وكال : هذا الاستدلال مو صحيح ..
-شلون ؟
-يكول "مهند" : التصور العقلي شي ، والوجود الخارجي شي آخر ، يعني تصور النار بالعقل مو نفسوجود النار بالخارج ؛ لانو النار الموجودة بالخارج تحرق ، بينما النار الموجودة بالعقل ماتحرق ، ولذلكالتصور العقلي يختلف عن الوجود الخارجي للشيء ..
- مو واضح ؟!
-يعني "تصور" الله بالعقل هذا شي محدود ، وبالتالي يمكن أن يكون هذا التصور "المحدود" نابع من عقلالانسان ؛ ولكن المطلق وغير المحدود هو وجود الله الخارجي والواقعي وليس الذهني أو العقلي ، وبالنتيجة: التصور الموجود في ذهن ديكارت عن الله هو من صنع عقل ديكارت ، لامن صنع الله ..
رد مع اقتباس
المشاركة الأصلية كتبت بواسطة ☆Abbas ALiraqi☆
